Posted: 01/06/2012 10:59 AM IST

తొలి చిత్రం `బాణం` ద్వారా విమర్శకుల ప్రశంశలు సైతం సొంతం చేసుకున్న యువ హీరో నారా రోహిత్. రెండో చిత్రం `సోలో`తో నటనలో మరింత పరిణితి సాధించి శభాష్ అనిపించుకున్నారు. ఇక మూడో చిత్రానికి రెడీ అయ్యి, మే నెలాఖరునాటికి కొత్త కొత్తగా వెండితెరపై వెలిగేందుకు సిద్ధమయ్యడు.

 

రోహిత్ సరసన నిత్యామీనన్ నటించబోతోన్న ఈ చిత్రాన్ని `కథ` చిత్రానికి దర్శకత్వం వహించిన శ్రీనివాస్ రాగ తెరకెక్కించబోతున్నారు. నిర్మాత సీవీ రెడ్డి. లవ్, ఫ్యామిలీ, యాక్షన్ సమపాళ్లలో రంగరించబోయే ఈ చిత్రంలో రోహిత్, నిత్యాల పాత్రలు చాలా విభిన్నంగా ఉంటాయంటున్నారు నిర్మాత. నాగబాబు ఓ కీలక పాత్రలో నటిస్తారు.

 

ఇవాళే హైదరాబాద్ లో చిత్రషూటింగ్ షురూ అయింది. ఈ షెడ్యూల్ నాలుగురోజుల పాటు కొనసాగుతుంది. ఫిబ్రవరి 15 నుంచి మార్చి5 వరకూ అరకులోయలో మరో షెడ్యూల్ షూట్ చేస్తారు. యుద్ధప్రాతిపదికన షూటింగ్ కార్యక్రమాలు పూర్తి చేసి మే నెలాఖరు నాటికి మూవీని ప్రేక్షకుల ముందుకు తేవాలని యోచిస్తున్నారు.