Posted: 12/17/2011 05:45 PM IST

మెగా పవర్ స్టార్ రామ్ చరణ్ తేజ్ ఈ మధ్యన బిజీ బిజీ షెడ్యూలు ఫిక్స్ చేసుకున్నాడు. ప్రస్తుతం సంపత్ నంది దర్శకత్వంలో చేస్తున్న ‘రచ్చ’ సినిమా షూటింగ్ పూర్తి చేసుకుంది. ఆ వెంటనే వి.వి.వినాయక్ డైరెక్షన్ లో ‘ఎవడు’ అనే టైటిల్ తో ఓ సినిమా ప్రారంభించాడు. ఈ సినిమాలో రామ్ చరణ్ కి జోడిగా క్యూట్ గాళ్ సమంత నటిస్తుంది.

అయితే తాజాగా వస్తున్న వార్తల ప్రకారం ఈ సినిమా పై ఓ గాలి వార్త ఫిలింనగర్ లో సంచరిస్తోంది. ఈ సినిమాలో రామ్ చరణ్ డబుల్ యాక్షన్ చేయబోతున్నాడని అనుకుంటారు. ఈ పాత్రలలో రామ్ చరణ్ ఒకదానికిలో క్లాస్, ఒక దానిలో మాస్ గా కనిపించబోతున్నాడని సమాచారం.  ఈ చిత్రం చిరంజీవి గత చిత్రాలైన దొంగ మొగుడు, రౌడీ అల్లుడు నుంచి ప్రేరణ పొందే తీస్తున్నారని కూడా చెప్పుకుంటున్నరు. మరి అసలే ఫ్లాపులతో ఉన్న వి.వి.వినాయక్, చరణ్ లు ఈ సినిమాలో ప్రయోగాలు చేస్తున్నారని అంటున్నారు. మరి ‘ఎవడు’ ఈ సినిమా ఎప్పుడు వచ్చింది అన్నట్లుగా ఉంటుందో లేక, ఈ సినిమాలో హీరో ‘ఎవడు’ అని చెప్పుకునే విధంగా ఉంటుందో చూడాలి.