Posted: 12/03/2011 01:51 PM IST

వెండితెరపై అధర చుంబనాలు బాలీవుడ్‌లో మామూలు విషయమే కానీ ఇంకా దక్షిణాది చిత్రాల్లో ఆ ట్రెండ్ ఊపందుకోలేదు. బికినీలు ధరించడానికి సైతం రెడీ అనే సుందరాంగులు సైతం లిప్ టూ లిప్ కిస్సులంటే ఆమడ దూరంలో వుంటారు. అయితే ఇలియానా ఈ ట్రెండ్‌ను బ్రేక్ చేయడానికి సిద్ధమైంది. నాజూకు ఒంపుసొంపులతో కుర్రకారు మతులుపోగొట్టిన ఈ వయ్యారి ఇటీవల కాలంలో సరైన సక్సెస్‌లు లేక నిరుత్సాహంతో వుంది. అయితే శంకర్ దర్శకత్వంలో విజయ్ సరసన ‘నన్‌బన్’ (హిందీ ‘త్రీఇడియట్స్’ తమిళ రీమేక్)లో ఈ సుందరి నటిస్తున్న విషయం తెలిసిందే.

తెలుగులో ఈ చిత్రం ‘త్రీరాస్కెల్స్’ పేరుతో రానుంది. ప్రతిష్టాత్మకంగా తెరకెక్కుతున్న ఈ చిత్రంపై ఇలియానా భారీ ఆశల్ని పెట్టుకుంది. ఈ చిత్రంతో దక్షిణాదిన పూర్వవైభవాన్ని పొందాలనే ఆలోచనలో వుంది. ఎప్పటికీ బెట్టు మీదుండే ఈ సుందరి ఈ సినిమా విషయంలో ఓ మెట్టుదిగిందని సమాచారం. హీరో విజయ్‌తో లిప్‌లాక్ సీన్‌లో నటించాలని దర్శకుడు శంకర్ కోరిన వెంటనే అంగీకరించిందట ఇలియానా. అంతేకాదు ఈ కిస్సింగ్ సీన్ అద్భుతంగా వచ్చిందని, ఆ సన్నివేశం రక్తికట్టించడానికి ఇలియానా సంపూర్ణ సహకారం అందించిందని యూనిట్‌సభ్యులు చెబుతున్నారు. ఈ చిత్రం సంక్రాంతికి ప్రేక్షకుల ముందుకురానుంది.