Posted: 11/26/2011 03:37 PM IST

చారిత్రక కథాంశంతో తెరకెక్కుతున్న రాణా సినిమా అటకెక్కింది. ఈ సినిమా అంగరంగ వైభవంగా ప్రారంభం జరుపుకుంది. ఇంతలో రజనీ ఆనారోగ్యంతో ఆస్పత్రి పాలయ్యారు. సిన్మా కోసం బాగా సన్నబడడమే రజనీ ప్రాణాలమీదకు తేవడంతో సింగపూర్‌ వెళ్లి వైద్యం చేయించుకున్నారు. విదేశాల నుంచి తిరిగొచ్చిన రజనీ.. తిరుమలలో మొక్కు చెల్లించుకున్నారు. శ్రీవారికి తులాభారం ఇచ్చారు. త్వరలోనే రాణా మొదలవుతుందన్నారు. ఈ ప్రకటనతో అభిమానుల్లో ఉత్సాహం వచ్చింది. ఐతే, రాణా షూటింగ్‌ ఎప్పటి నుంచి మొదలవుతుందన్న దానిపై ఎలాంటి సమాచారం లేకపోవడంతో.. అసలు ఈ ప్రాజెక్టు ఉంటుందా లేదా అన్న సందేహం మొదలైంది.

చారిత్రక కథాంశంతో తెరకెక్కుతున్న రాణా సిన్మాలో రజనీ కాంత్‌ కత్తియుద్దాలు చేయాలి. గుర్రపు స్వారీలు చేయాలి. ఒకటేమిటి యాక్షన్‌ సన్నివేశాల్లో ఇంకా ఎన్నో రిస్కీ షాట్స్‌ ప్లే చేయాలి. ఎంత గ్రాఫిక్స్‌ సహకారం తీసుకున్నా.. రజనీ కూడా తీవ్రంగా శ్రమిస్తే తప్ప మెరుగైన అవుట్‌పుట్‌ రావడం కష్టం. ప్రస్తుతం రజనీ ఆరోగ్యం దృష్ట్యా ఆయన పోరాట సన్నివేశాల్లో నటించేందుకు ఆయన శరీరం పూర్తిస్థాయిలో సహకరించే పరిస్థితి లేదు. ఈ కారణంగానే రాణా వాయిదా పడుతోంది.