చుండ్రు సమస్య నుంచి ఉపశమనం పొందాలా..

Posted: 10/09/2015 04:38 PM IST

Home remedies to get rid from dandruff problem

నేటి ఆధునిక యుగంలో ప్రతిఒక్కరిని వేధిస్తున్న సమస్యల్లో చుండ్రు ఒకటి. దీని నుంచి విముక్తి పొందెందుకు రకరకాల ప్రోడక్టులు, ఇంకా మరెన్నో ప్రయత్నాలు చేస్తుంటారు. అలా కాకుండా కొన్ని సింపుల్ చిట్కాలు పాటిస్తే.. చుండ్రు నుంచి శాశ్వతంగా విముక్తి పొందవచ్చునని నిపుణులు అంటున్నారు. మరి.. ఆ చిట్కాలేంటో తెలుసుకుందామా...

* మందారం : Rdr జుట్టుని ఆరోగ్యంగా ఉంచుతుంది. మందారపువ్వులను కొబ్బరినూనెలో వేసి మరగించాలి. తర్వాత కాస్త గోరువెచ్చగా ఉన్నప్పుడే ఆ పూలలోని సారమంతా దిగేలా గట్టిగా పిండేయాలి. ఈ నూనెను గాలి చొరబడని డబ్బాలో వేసి వుంచి, తలకు రాసుకుంటే చుండ్రు అదుపులోకి వస్తుంది. జుట్టు రాలడం తగ్గుతుంది.

* గులాబీ రేకులు : గుప్పెడు గులాబీ రేకులను తీసుకుని వేడి నీటిలో వేయాలి. పది నిమిషాలు ఉంచి వాటిని బయటికి తీసి పిండేయాలి. అలా పిండినప్పుడు వచ్చిన నీటిని తీసుకుని.. మాడుకు పట్టించాలి. అరగంట తర్వాత ఆరనిచ్చి ఆపై తలస్నానం చేసుకోవాలి. ఇలా రెగ్యులర్ గా చేస్తే.. జుట్టు శుభ్రపడటంతో పాటు చుండ్రు మాయమవుతుంది.

* గోరింటాకు రెమెడీ : ఒక పాత్రలో ఏడు చెంచాల గోరింటాకు పొడి, ఒక స్పూన్ నిమ్మరసం, కొద్దిగా కొబ్బరి పాలు, యూకలిప్టస్ నూనె తదితరాలు వేసి బాగా కలుపుకోవాలి. ఈ మిశ్రమాన్ని మాడుకు పట్టించి ముప్పావు గంటపాటు ఆరనిచ్చి తలస్నానం చేయాలి. ఇలా వారానికి ఒక్కసారైనా చేయగలిగితే చుండ్రు సమస్య తగ్గుతుంది.