ముడతలను ‘ఎర’లా పట్టే అలోవెరా

Posted: 07/04/2015 05:13 PM IST

చర్మసంబంధిత వ్యాధులను నివారించడంలో ప్రకృతిలో లభించే మూలికలు ఎంతో సమర్థవంతంగా పనిచేస్తాయి. అలాంటి వాటిల్లో అలోవెరా కూడా ఒకటి. ఇది విటమిన్స్, మినరల్స్, ఎంజైమ్స్ వంటి ఔషధగుణాల మిశ్రమం. దీనివల్ల ఆరోగ్యంతోపాటు సౌందర్యప్రయోజనాలు కూడా కలుగుతాయి. కలబందను జెల్, జ్యూస్ లేదా ట్యాబ్లెట్స్ రూపంలో తీసుకుంటే.. వ్యాధినిరోధకశక్తి పెరుగుతుందని వైద్య నిపుణులు అంటున్నారు. అలాగే వాతావరణ కాలుష్యం వల్ల అందవిహీనంగా మారిన చర్మాన్ని సౌందర్యవంతం చేయడంలోనూ ఇది దోహదపడుతుంది. మరి.. ఈ జెల్ వల్ల కలిగే సౌందర్య ప్రయోజనాలేంటో తెలుసుకుందామా....

* ముడతలు పడిన చర్మానికి అలోవెరా జెల్ రాస్తే.. దానికి అవసరమయ్యే మినరల్స్, విటమిన్స్ పుష్కలంగా అందుతాయి. చర్మానికి కావలసిన పోషణ అందుతుంది. ఫలితంగా చర్మ మృదువుగా, సాఫ్ట్ గా, సౌందర్యవంతంగా తయారవుతుంది.

* అలోవెరాను చర్మానికి అప్లై చేసినప్పుడు అది ఆస్ట్రిజెంట్ గా పనిచేస్తుంది. డెడ్ స్కిన్ సెల్స్ ను మెరుగుపరుస్తుంది. ఇది స్కిన్ స్ట్రక్చర్ ను మెరుగుపరుస్తుంది. ఫలితంగా పొడిబారిపడిన చర్మం తిరిగి మృదువుగా, ప్రకాశవంతంగా మారుతుంది.

* ప్రతి రోజూ రాత్రి పడుకొనే ముందు కళ్ళక్రింది అలోవెరా జెల్ ను అప్లై చేయడం వల్ల కంటికింద నల్లటి వలయాలతోపాటు ముడుతలను నివారించవచ్చు. ఇందులో విటమిన్ ఇ, ఎ, సిలు పుష్కలంగా ఉండటం వల్ల ఇది చర్మానికి తగినంత పోషణను అందిస్తుంది.

* సూర్యతాపం ప్రభావం వల్ల చర్మం మీద నల్లమచ్చలు ఏర్పడుతాయి. వాటిని సన్-టాన్ అంటారు. అలాంటప్పుడు అలోవెరా జెల్ ని ఆయా ప్రదేశాల్లో రాసి, మెల్లగా మర్థనా చేసుకుంటే.. సన్-టాన్ నుంచి చర్మాన్ని ఉపశమనం కలిగించవచ్చు.

* అలోవెరా జెల్ ను చర్మానికి అప్లై చేస్తే.. స్కిన్ లో ఫ్రైబ్రో బ్లాస్ట్ సెల్ మెరుగుపడుతుంది. చర్మం కాంతిని పెంచే కొల్లాజెన్ సెల్స్ పెరుగుతాయి. అలాగే ఈ జెల్ స్కిన్ ఎలాసిటిని పెంచుతుంది. తద్వారా చర్మసౌందర్యం మెరుగుపడుతుంది.