వేసవిలో బత్తాయితో ఫేస్ బ్లీచ్ ఎంతో ఉత్తమం

Posted: 05/19/2015 06:47 PM IST

వేసవిలో ఎండతాపం వల్ల ముఖవర్ఛస్సు ఖచ్చితంగా తగ్గిపోతుంది. అంతేకాదు.. మొటిమలు, కంటికింద నల్లని వలయాలు, చర్మం-పెదవులు పొడిబారడం, నల్లని ఛాయలు (సన్ టాన్) ఏర్పడటం వంటి సమస్యలు తప్పవు. ఇటువంటి చర్మసమస్యల నుంచి ఉపశమనం పొందాలంటే బత్తాయి రసం సమర్థవంతంగా పనిచేస్తుందని బ్యూటీషియన్లు అంటున్నారు. బత్తాయి కాయతో ముఖానికి ఫేస్ బ్లీచ్ లా చేసుకుంటే.. మెరుగైన చర్మసౌందర్యాన్ని పొందవచ్చు.

బత్తాయిలో సిట్రిక్ రసం అధిక మోతాదులో వుంటుంది. అది ఒక సహజమైన తేలికపాటి బ్లీచ్‌గా పనిచేస్తుంది. ఇది బ్లాక్ హెడ్స్‌ను తగ్గిస్తుంది. అలాగే చర్మ రంధ్రాలను శుభ్రపరచి చర్మం కాంతివంతంగా ఉండటానికి సహాయపడుతుంది. అదేవిధంగా.. బత్తాయిముక్కతో మెడ, చంకలలో, మోచేతులు, మోకాలు మీద రుద్దితే.. ఆయా ప్రదేశాల్లో వుండే నల్లదనం తగ్గిపోతుంది. ఇంకా.. పెదవుల మీద నల్లదనం, పగుళ్ళు వంటి సమస్యలు తగ్గాలంటే బత్తాయి రసంను 3-4 సార్లు రాస్తే ఫలితం ఉంటుందని బ్యూటీషన్లు అంటున్నారు.

బత్తాయిరసం ఫేస్ బ్లీచ్ :

ముందుగా ముఖాన్ని శుభ్రం చేసుకోవాలి. అనంతరం బత్తాయి కాయను రెండు ముక్కలుగా కట్ చేసి, దానిలో ఒక ముక్కను తీసుకోని నెమ్మదిగా మీ ముఖాన్ని ఒక వృత్తాకార మోషన్‌లో స్క్రబ్ చేయాలి. ఈ విధంగా 10-12 నిమిషాలు చేయాలి. ఆ తర్వాత ఒక మృదువైన వస్త్రం లేదా టిష్యూను ఉపయోగించి, ముఖం మీద ఉన్న రసాన్ని, అవశేషాలను రబ్ చేయాలి. తర్వాత నీటితో మీ ముఖంను కడగాలి.