జుట్టు రాలేసమస్యను నిరోధించే ఆహారాలు..

Posted: 11/11/2014 04:31 PM IST

ఈమధ్య జుట్టు రాలే సమస్య విపరీతంగా పెరిగిపోయినట్లు కనిపిస్తోంది. స్కూలుకు వెళ్లే చిన్నపిల్లల నుంచి ఆఫీసుకు వెళ్లే పెద్దవాళ్లకు వరకు అయితే ఈ సమస్య మరీ విపరీతంగా పెరిగిపోతోంది. ఎందుకంటే.. నిత్యం ఒత్తిడితో కూడిన పనులను నిర్వహించుకోవడం వల్ల బ్రెయిన్ ఎక్కువ స్ట్రెస్ కు గురవుతుంది. ఫలితంగా జుట్టుకు కావలసిన పోషకాలు అందవు. తద్వారా జుట్టు రాలడం ప్రారంభమవుతుంది. ఈ సమస్యను అధిగమించాలంటే కాస్త కష్టంతో కూడుకున్న పనే అయినప్పటికీ.. కొన్ని ఆరోగ్యకరమైన పోషకాహారం వల్ల దీనిని సులభంగా అధిగమించవచ్చు. అవేమిటో తెలుసుకుందాం...

1. సాల్మన్ చేప : ఇందులో విటమిన్ D, మాంసకృత్తులు, జుట్టు పెరుగుదలకు అవసరమైయ్యే కొవ్వు ఆమ్లాలు సమృద్ధిగా ఉంటాయి. ఇవి జుట్టును నిత్యం సాఫ్ట్ గా వుంచడంలో ప్రముఖపాత్రను పోషిస్తాయి. అలాగే ఇందుల వుండే జింక్ మూలకం..  పొడి చర్మం, చుండ్రు, జుట్టు నష్టం వంటి సాదారణ సమస్యల నుండి రక్షించడంలో సహాయపడుతుంది. అంతేకాదు.. జుట్టును ఆర్ద్రీకరణ స్థితిలో ఉంచడంలోనూ కీలకపాత్ర వహిస్తుంది.

2. గుడ్లు : వీటిల్లో ప్రోటీన్ సమృద్దిగా ఉంటుంది. ఈ ప్రోటీన్స్ నెత్తిమీద కణజాలం నిర్మాణానికి, కోల్పోయిన జుట్టు స్థానంలో కొత్త జుట్టు తిరిగి వచ్చేలా బాధ్యతలు తీసుకుంటాయి. ఈ గుడ్లతోపాటు జున్ను, కోడి, చేప, ఇతర మాంసంలలో ప్రోటీన్లు సమృద్దిగా ఉంటాయి.

3. పాలకూర : ఇందుల ఐరన్ శాతం ఎక్కువ పరిమాణంలో వుంటుంది. ఇది చర్మానికి ఆక్సిజన్ అందించడంతోపాటు హిమోగ్లోబిన్ ఏర్పడడానికి బాధ్యత వహిస్తుంది. కాబట్టి శరీరంలో ఐరన్ పెరగటానికి బీన్స్, పప్పు, చిక్పీస్ వంటి వాటిని తినాలి.

4. చిలకడ దుంపలు : ఇవి మానవ శరీరంలో విటమిన్ ఏ, బీటా కెరోటిన్ ను ఉత్పత్తి చేస్తాయి. ఈ విటమిన్ చర్మానికి ముఖ్యమైన నూనెల ఉత్పత్తికి అవసరమవుతుంది. ఈ నూనెలు తల మీద చర్మాన్ని రక్షించటానికి సహాయపడతాయి. కేవలం ఉడికించిన చిలకడ దుంపలు మాత్రమే తినటానికి ఉత్తమం. అవసరమైతే రుచి కోసం కొంచెం నిమ్మరసం కలుపుకోవచ్చు.

5. బ్లూ బెర్రీస్ : వీటిలో ‘విటమిన్ సి’ పుష్కలంగా వుంటుంది. ఇది జుట్టు, కణజాలం కలిసి ఉండటానికి సహాయపడుతుంది. అంతేకాదు.. బ్లూ బెర్రీస్ లో శరీరానికి అవసరమైన యాంటాక్సిడెంట్లు సమృద్దిగా ఉంటాయి.

6. సోయా : శరీరంలో హిమోగ్లోబిన్ ఏర్పడటానికి అవసరం అయ్యే ఐరన్ ని అందిస్తుంది.