అందంగా కనిపించడానికి సాధారణ చిట్కాలు!

Posted: 10/16/2014 05:05 PM IST

ప్రస్తుతకాలంలో పిల్లలనుంచి పెద్దలవరకు ప్రతిఒక్కరూ అందంగా వుండాలని కోరుకుంటారు. నలుగురిలో ప్రత్యేకంగా కనిపించాలని కోరుకుంటారు. అలాగే వయసు పైబడిన మహిళలు కూడా తమ సౌందర్యాన్ని చాలా అందంగా మెయింటెన్ చేయాలని భావిస్తుంటారు. అలాంటప్పుడు అందంగా కనిపించడంకోసం అందరూ రకరకాల క్రీములను వాడటం, ఎక్కవ ఖర్చుతో కూడుతున్న ఫేషియల్స్ ప్యాక్స్ చేయించుకోవడం లాంటివి చేస్తుంటారు. ఇటువంటి పద్ధతులతో అందాన్ని సొంతం చేసుకోవచ్చు కానీ... అందులో వుండే రసాయనాలు కొంతవరకు చర్మాన్ని హాని కలిగించవ్చు. ఇంకొక పెద్ద సమస్య ఏమిటంటే.. ఫేషియల్ ప్యాక్స్, క్రీములను నిత్యం వాడాల్సి వుంటుంది. దీంతో ఎక్కువ ఖర్చులు చేయాల్సి వస్తుంది. ఇలా కాకుండా సాధారణ పద్ధతుల ద్వారా అందాన్ని సొంతం చేసుకోవచ్చు. రూపాయి ఖర్చు చేయకుండానే ఆకర్షణీయమైన అందాన్ని తక్కువ సమయంలోనే పొందవచ్చు. మరి ఆ పద్ధతులేమిటో తెలుసుకుందాం..

1. ప్రతిరోజూ చాలా ఎక్కువ మోతాదులో నీటిని తీసుకుంటే మంచిది. ఎందుకంటే.. మానవ శరీరంలో డీహైడ్రేషన్ సమస్య వస్తూ వుంటుంది. ఇది శరీరంలో జీవక్రియలకు తీవ్ర అంతరాయం కలిగిస్తుంది. దీని ప్రభావం చర్మం మీద కూడా చూపుతుంది. అటువంటి సమయాల్లో నీటిని ఎక్కువ మోతాదులో తీసుకుంటే డీహైడ్రేషన్ సమస్య నుంచి బయటపడవచ్చు. తద్వారా చర్మ సౌందర్యాన్ని కూడా రక్షించినట్లు అవుతుంది.

2. యాంటీ ఆక్సిడెంట్స్ పుష్కలంగా వున్న ఆహార పదార్థాలను తీసుకోవడం చాలా మంచిది. ఎందుకంటే.. ఇవి శరీరంలో వివిధ వ్యాధులను ఎదుర్కోవడానికి, వయస్సు పైబడకుండా వుండటానికి, స్కిన్ సమస్యలను ఎదుర్కోవడానికి, ఇన్ల్ఫమేషన్ ను తగ్గించడానికి కీలకపాత్రను పోషిస్తాయి. వీటిని రెగ్యులర్ డైట్ లో వాడితే చాలా మంచిది.

3. చర్మసౌందర్యానికి కావలసిన కొన్ని హోమ్ రెమెడీస్ ను ఇంట్లోనే తయారుచేసుకుంటే మంచిది. ఎందుకంటే.. అందులో సహజంగా చర్మసౌందర్యానికి కావలసిన ఔషధగుణాలు పుష్కలంగా వుంటాయి. అలాకాకుండా క్రీములను వాడితే.. అందులో వుండే రసాయనాలు చర్మాన్ని హాని కలిగిస్తాయి. చర్మం పొడిబారిపోయేలా చేస్తాయి.

4. విటమిన్ సీ ఎక్కువ మోతాదులో వుండే ఆహారపదార్థాలను తీసుకోవడం ఎంతో ఉత్తమమైనది. ఎందుకంటే.. ఇది సూర్యరశ్మి వల్ల ముడతలు పడిన చర్మాన్ని తిరిగి సౌందర్యంగా మార్చడంలో ప్రముఖపాత్రను పోషిస్తుంది. చర్మానికి కావలసిన ఎక్కువ కొల్లాజెన్ ను ఉత్పత్తి చేస్తుంది. చర్మంపై వుండే మొటిమలు కూడా మాయమవుతాయి.

5. అవొకాడో, ఆలివ్ ఆయిల్, ఫ్లాక్స్ సీడ్స్, నట్స్, ఫిష్ వంటి హెల్తీ ఫ్యాట్స్ ను రెగ్యులర్ డైట్ లో చేర్చుకోవడం చాలా అవసరం. ఈ ఫ్యాటీ యాసిడ్స్ మన చర్మానికి చాలా అవసరం అవుతుంది. వీటి వల్ల చర్మం ఎల్లప్పుడు యవ్వనంగా ఉంటుంది. ముడతలుపడిన చర్మాన్ని తిరిగి అందంగా మలచడంతోపాటు కాంతివంతంగా మెరిసేలా చేస్తాయి.

6. ఇంకొక ముఖ్యమైన విషయం ఏమిటంటే.. యోగా, మెడిటేషన్ వంటివి చేస్తే ఆరోగ్యంతోపాటు చర్మసౌందర్యాన్ని కూడా పొందవచ్చు. జీవితంలో అనుభవిస్తున్న ఒత్తిళ్లను దూరం చేసుకోవడానికే ఈ పద్ధతులను అనుసరిస్తారు. ఎక్కువ స్థాయి ఒత్తిడిలో వున్నప్పుడు చర్మసౌందర్యం దెబ్బతినే అవకాశాలు వుంటాయి. అలాంటప్పుడు యోగా చేస్తే.. మానసిక ఒత్తిళ్లు దూరం అవడంతో మనస్సు హాయిగా అగుపిస్తుంది. ఫలితంగా చర్మం కూడా అందంగా మారుతుంది.

7. ప్రస్తుత బిజీ ప్రపంచంలో చాలామంది సరిగ్గా నిద్రపోలేకపోతున్నారు. ఇది ఆరోగ్యానికి ఎంతో హానికరం. ఎన్ని అవసరమైన పనులు వున్నా.. రోజూ సరిపడేంత సమయం నిద్రపోవడం చాలా అవసరం. అది స్కిన్ డ్యామేజ్ ను నివారించడంతోపాటు కాంతివంతగా మార్చేస్తుంది.