తెల్లజుట్టును నివారించే ఆహారపదార్థాలు

Posted: 09/24/2014 05:39 PM IST

(Image source from: the healthy foods to prevent white hair in early age)

వయసు పెరుగుతున్నకొద్దీ జుట్టు కూడా తెల్లబడటం సర్వసాధారణం. కానీ నేటి ఫాస్ట్ జనరేషన్ లో అయితే 20 సంవత్సరాల వయస్సులోనే జుట్టు తెల్లబడిపోతోంది. ప్రస్తుతమున్న వాతావరణ పరిస్థితులలో మార్పు కారణంతోపాటు సమయానుకూలంగా ఆరోగ్యకరమైన ఆహార పదార్థాలను తీసుకోకపోవడంతోనే తక్కువ వయస్సులోనే జుట్టు తెల్లబడిపోతుంటుంది. అలాగే జుట్టుకు కావాల్సిన న్యూట్రీషియన్స్, పోషక పదార్థాలు అందకపోవడంతోనే ఇలా జరుగుతుంది. మరి ఈ తెల్లజుట్టు సమస్య నుంచి బయటపడాలంటే... కొన్ని ఆహార పదార్థాలను తీసుకుంటే చాలు.

1. ఆకుకూరలు : ఇవి పిగ్మెంట్ ను ఉత్పత్తి చేయడానికి సహాయపడుతాయి. ఈ పిగ్మెంట్ జుట్టు రంగు మారకుండా స్థిరంగా వుంచడంలో ప్రముఖపాత్ర వహిస్తుంది. కాబట్టి రెగ్యులర్ డైట్ లో ఆకుకూరలను తీసుకుంటే చాలు.. తెల్లజుట్టును అదుపు చేయొచ్చు.

2. బీన్స్ : ఇందులో అనుకున్నదానికంటే అధిక మోతాదులో ప్రోటీన్లు పుష్కలంగా వుంటాయి. ఇవి జుట్టుకు కావాల్సిన పోషక పదార్థాలను అందించి.. రంగును మార్చకుండా చేస్తాయి.

3. గుడ్లు : జుట్టుకు అత్యంత అవసరమైన విటమిన్ బి12 గుడ్డులో పుష్కలంగా వుంటుంది. ఈ విటమిన్ రక్తప్రసరణను మెరుగుపరిచి, ప్రీరాడికల్స్ నుంచి జుట్టును రక్షిస్తుంది. దాంతో జుట్టురంగు తెల్లగా మారదు.

4. కరివేపాకు : కరివేపాలకు ఎంత ఎక్కువగా తింటే.. జుట్టుకూడా అంతే నల్లగా వుంటుంది. ఇందులో జుట్టుకు కావాల్సిన పోషక పదార్థాలు అన్ని పుష్కలంగా వుంటాయి. అంతెందుకు.. దక్షిణ భారతంలో వుండే మహిళల తమ ఆహారపదార్థాల్లో నిత్యం ఈ ఆకును తీసుకుంటారు కాబట్టి.. వాళ్ల జుట్టు నల్లగా నిగనిగలాడుతుంటుంది.

5. క్యారెట్ : క్యారెట్ లో జుట్టుకు కావాల్సిన విటమిన్ ఏ ఎక్కువ మోతాదులో లభిస్తుంది. ఇది జుట్టును ఊడిపోకుండా కాపాడటంతోపాటు.. నల్లగా వుంచడంలో కీలకపాత్ర పోషిస్తుంది.

6. బెర్రీస్ : వీటిలో విటమిన్ సి పుష్కలంగా వుంటుంది. ఇది తలలో రక్తప్రసరణ జరిగేందుకు సహాయపడుతుంది. ఫలితంగా జుట్టు తెల్లబడకుండా నల్లగా వుంటుంది.

7. మీట్ లివర్ : శరీరంలో ఐరన్ లెవెల్స్ తగ్గిపోతే జుట్టు కూడా తెల్లగా మారుతుంది. ఆ సమయంలో రెగ్యులైర్ డైట్ లో మాంసాహారాల్లో లివర్ ఎక్కువగా తీసుకుంటే శరీరంలో ఐరన్ లెవెల్స్ ఆరోగ్యంగా వుంటాయి.