ముఖం తెల్లగా మెరవాలంటే

Posted: 10/17/2013 03:06 PM IST

తెల్లగా కనిపించాలని వైటనింగ్ లోషన్లు, క్రీమ్‌లు పూసి పూసి విసుగెత్తిపోయారా? అయితే ఇకనుంచి వాటన్నింటినీ పక్కకి నెట్టేయండి. ఎందుకంటే ఇంట్లోనే పాటించే కొన్ని చిట్కాలున్నాయి కాబట్టి. అవేంటంటే...

ఒక స్పూన్ పంచదారలో నిమ్మరసం కలిపి ముఖంతో పాటు శరీరమంతటా పంచదార కరిగే వరకు రుద్దాలి.

క్యాబేజి/జీలకర్రలని నీళ్లలో ఉడికించాలి. ఈ నీళ్లతో ముఖాన్ని శుభ్రం చేసుకుంటే మెరిసే చర్మం మీ సొంతం.

గుడ్డు తెల్లసొన, తేనె కలిపి ముఖానికి ప్యాక్ వేసుకుని 20 నిమిషాలు ఉంచుకోవాలి. ఇది చర్మానికి యవ్వనకాంతిస్తుంది.

పొద్దుతిరుగుడుపువ్వు గింజల్ని పచ్చి పాలలో ఒక రాత్రంతా నానపెట్టి రుబ్బాలి. ఇందులో చిటికెడు కుంకుమపువ్వు, పసుపు కలిపి రాసుకోవాలి.

ఆలు లేదా టొమాటో రసాలను ప్రతిరోజూ రాసుకుంటే చర్మం కాంతివంతంగా ఉంటుంది.

మీగడలో బ్రెడ్ ముక్కలు కలిపి రాసుకున్నా చర్మం మృదువుగా తయారవుతుంది.