దేశ ప్రథమ పౌరుడి స్థానంలో అంబేద్కర్ సిద్దాంతి.. రామ్ నాథ్

Posted: 07/29/2017 08:16 PM IST

దేశ 14వ రాష్ట్రపతిగా కొనసాగుతున్న రామ్ నాథ్ కోవింద్.. న్యాయకోవిదుడు. డాక్లర్ బిఆర్ అంబేద్కర్ బాటలో నడిచి.. దేశ అత్యతున్నత స్థాయి పదవిని అందకున్నారు. అణగారిన వర్గానికి చెందిన ఆయన చిన్నతనం నుంచి అకుంఠిత దీక్షతో విద్యాబ్యాసం చేసి.. దేశ అత్యున్నత న్యాయస్థానం సుప్రీంకోర్టు న్యాయవాదిగా తన కెరీర్ లో రాణించారు. ఆ తరువాత బీజేపి పార్టీలో చేరి ఎంపీగా సేవలందించారు. గవర్నర్ గా సేవలందించిన ఆయనను ఎన్డీయే ప్రభుత్వం రాష్ట్రపతిగా ప్రతిపాదించింది. తన ప్రత్యర్థి మీరాకుమార్ పై ఆయన భారీ మోజారీటీతో గెలిచారు.

ఉత్తర్‌ప్రదేశ్‌లోని కాన్పూర్‌ దెహత్‌ జిల్లాలోని డేరాపూర్‌ తహశీల్‌లోని పరాంఖ్‌ గ్రామంలో 1 అక్టోబర్ 1945లో జన్మించారు. రాష్ట్రపతిగా సేవలందించేందుకు ముందు ఆయన బీహార్ 36వ గవర్నర్ గా 2015 నుంచి కొనసాగారు. రామ్ నాథ్ కోవింద్ భారతీయ జనతా పార్టీ కి చెందిన రాజకీయ నాయకులు. సుప్రీంకోర్టు న్యాయవాదిగా కొనసాగుతూనే.. ఆయన బీజేపి సిద్దాంతాలకు అకర్షితులై ఆ పార్టీ చేరారు. 1991లో బీజేపి పార్టీలో చేరిన ఆయనకు పార్టీ  రాజ్యసభ సభ్యుడిగా ఎంపిక చేసి సముచిత స్థానాన్ని అందించి గౌరవించింది. 1994-2000 మరియు 2000-2006 రెండు పర్యాయాలు ఆయన ఉత్తరప్రదేశ్ నుండి రాజ్యసభ కు ఎన్నిక అయ్యారు.

అంతకుముందు ఆయన మూడు పర్యాయాలు సివిల్స్ పరీక్షల రాసి వాటిలో ఉత్తీర్ణలయ్యారు. అయితే తాను అశించిన కలెక్టర్ (ఐఎఎఃస్) అతడికి దక్కకపోవడంతో ఆయన సుప్రీంకోర్టులో న్యాయవాదిగా స్థిరపడ్డారు. అయితే న్యాయవాదిగా కూడా పేదలకు తరపున తన వాదనలు వినిపించి వారికి న్యాయం చేసేందుకు అధిక ప్రాధాన్యత ఇచ్చారు.  1991 లో బీజేపి పార్టీలో చేరిన ఆయన బిజెపి దళిత మోర్చా యొక్క మాజీ అధ్యక్షుడు (1998-2002). మరియు ఆల్-ఇండియా కోలి సమాజ్ అధ్యక్షుడు. బిజేపి పార్టీ జాతీయ ప్రతినిధిగా పనిచేశారు.

రెండుసార్లు రాజ్యసభ సభ్యుడిగా పనిచేసి ఉండటం, మంచి వక్త కావడం, రైతు, దళిత కుటుంబం నుంచి రావడం, పేదల పక్షాన నిలవడం.. హుంగు, ఆర్భాటాలకు దూరంగా నిరాడంబర జీవితం గడుపుతూ.. పేదల పక్షపాతిగా నిలిచి వారి పక్షాన పోరాడటంతో ఆయన వ్యక్తిత్వాని, స్వభావాన్ని కూడా గమనించిన బీజేపి పార్టీ ఆయకు ఉన్నత పదవులను అందించి అతని సేవలను వినియోగించుకుంది. పార్టీకి ఎస్సీ మెర్చా అధ్యక్షుడిగా మూడుసార్లు సేవలు అందించడం, సుప్రీంకోర్టు న్యాయవాదిగా పనిచేయడం, రాజ్యాంగం, అంబేడ్కర్‌ సిద్ధాంతాల పట్ల పూర్తి అవగాహన తదితరాలతో పాటు ఆయన గుణగణాలను పరిగణనలోకి తీసుకొని ఆయనను రాష్ట్రపతి అభ్యర్థిగా ప్రకటించింది.

కోవింద్‌ పూర్తిగా వివాదరహితుడు. రాజ్యాంగం గురించి క్షుణ్ణంగా అవగాహన ఉన్న విద్యావంతుడు. ప్రజాస్వామ్యాన్ని గౌరవించే లౌకిక వ్యక్తి కావడం కూడా ఆయనకు అత్యున్నత పదవికి తన వద్దకు చేర్చింది.  ఉత్తరప్రదేశ్‌ ప్రజలు 2014 సాధారణ ఎన్నికల్లో, 2017 రాష్ట్ర అసెంబ్లీ ఎన్నికల్లో బీజేపికి అఖండ మెజార్టీ కట్టబెట్టిన వ్యక్తుల్లో కోవింద్ కూడా ఒకరు. ఇందులో దళితులూ ప్రధాన భూమిక పోషించారు. వారు చూపించిన అభిమానానికి ప్రతిఫలంగా అదే వర్గానికి చెందిన వ్యక్తిని దేశ ప్రథమ పౌరుడి స్థానానికి ఎంపిక చేశారు.