బెజవాడ టైటిల్ అనౌన్స్ చేసిన తొలి రోజు నుండి అన్ని వివాదాలే. మొదట టైటిల్ విషయంలో వివాదం తలెత్తగా... ట్రైలర్స్, పాటలు విడుదలైన తరువాత ఓ వివాదం తలెత్తింది. ఈ వివాదాలన్నింటిని అధికమించి విడుదలకు సిద్ధం అయిది. రాంగోపాల్ శిష్యుడు వివేక్ క్రిష్ణ దర్శకత్వం వహించారు. నాగ చైతన్య – అమలాపాల్ జంటగా నటించారు. మరి ఈ సినిమా గురించి రామ్ గోపాల్ వర్మ చెప్పిన విషయాలు ఏంటంటే....

‘బెజవాడ’ సినిమా ద్వారా ఏం చెప్పదలుచుకున్నారు ?

‘బెజవాడ’ నగర నేపథ్యంలో, నేను కాలేజీ చదువుకున్నప్పుడు నాకు తెలిసిన విషయాలు గురించి ‘బెజవాడ’ అనే సినిమా తీద్దామనే ఆలోచన వచ్చింది. వెంటనే అనౌన్స్ ఇచ్చా. అది చూసి వివేక్ నా దగ్గరికి వచ్చి ’సార్ మీరు అనౌన్స్ చేసిన టైటిల్ కి ‘నేను ఒక కథ అనుకుంటున్నాను’ అని అతను ఆ కథ చెప్పడంతో చాలా నచ్చింది. నన్ను ప్రొడ్యూస్ చేయమని కోరడంతో ఒప్పుకున్నా.

మీ ఇన్వాల్వ్ మెంట్ ఎంత వరకు ఉంది ?

నా ఇన్వాల్వ్ మెంట్ జీరో. స్రిప్టు, క్యారెక్టరైజేషన్, సాంగ్స్.. ఇలా ప్రతి విషయమూ... వివేక్ దే.

ఆయనకు మీరు ఏమైనా సలహా ఇచ్చారా ?

నేను ఒక్క సలహా కూడా ఇవ్వలేదు. ఇచ్చినా ఆయన తీసుకొడు.

‘బెజవాడ’లో ఉన్నది ప్రస్తుతం జరుగుతన్న కథ లేక గతాన్ని బేస్ చేసుకొని తయారు చేసిందా ?

ఇది ఫిక్షనల్ స్టోరీ. దానికి టైమ్ బౌండ్ ఏదీ ఉండదు. ‘బెజవాడ’ అనే టైటిల్ పడింది మొదలు... ఫస్ట్ షాట్ నుంచి లాస్ట్ షాట్ వరకు ఎప్పుడు జరిగింది, ఎందుకు జరిగింది అనేది ఇందులో చర్చించడానికి అవకాశం లేదు. అంత గ్రిప్పింగ్ గా సినిమా ఉంటుంది.

‘బెజవాడ’లో ఉండే రెండు వర్గాలకు సంబంధించిన కథా ఇది ?

భగవంతుడి సాక్షిగా... ‘‘బెజావాడ’ కల్పిత కథ. ఎవరిని ఉద్ధేశించి తీసింది కాదు.

మీరు ఎప్పుడు రాజీ పడరు ? కానీ టైటిల్ విషయంలో రాజీ పడ్డారు ? కారణం ?

మొదటిది నేనెప్పుడూ అన్నమాట నిలబెట్టుకోను. రెండోది నేను అన్నది ఆ టైంకి అనేస్తా. సాయంత్రానికి ఏదో మరో ఐడియా వస్తుంది. అప్పుడు మళ్ళీ దాని గురించి ఆలోచిస్తా. ‘బెజవాడ రౌడీలు’ టైటిల్ విషయానికి వస్తే... లగడపాటి నా క్లోజ్ ఫ్రెండ్. బెజవాడకు ప్రాతినిథ్యం వహిస్తున్నాడు. ఆయన కోరిక మేరకు మర్చాల్సి వచ్చింది.

మీ ‘డిపార్టుమెంట్’ ఎంత వరకు వచ్చింది ?

‘డిపార్టుమెంట్’ షూటింగ్ పూర్తి అయ్యంది. ఫిబ్రవరిలో విడుదల చేయడానికి ప్లాన్ చేస్తున్నాము. ఇందులో దగ్గుబాటి రాణా ఓ ఇంపార్టెంట్ రోల్ పోషిస్తున్నాడు. అతని యాక్టింగ్ బాగుంది.

మళ్లీ తెలుగులో ఎప్పుడు దర్శకత్వం వహిస్తున్నారు ?

ఇప్పట్లో ఆ ఆలోచన లేదు. భాలీవుడ్ లో మాత్రం ఓ లవ్ అండ్ ఎంటర్ టైనర్ చేస్తున్న. ’అబ్ తక్ ఎ చప్పన్’ అనే సినిమాని రూపొందిస్తున్నా.

‘రక్త చరిత్ర -3’ తీసే ఆలోచన ఏమైనా ఉందా ?

ఇప్పట్లో లేదు. ఇంకా రెండు మర్డర్లు జరిగితే అప్పుడు ఆలోచిస్తా.

మీరు తీయబోయే ’రామాయణం’ ఎలా ఉంటుంది ?

తను తీసయబోయే ‘రామాయణం’ చిత్రం పేరడీగానో, కామెడీగానో తీయబోతున్నానని అందరూ అనుకుంటున్నారు. అది నిజం కాదు. నా ‘రామాయణం’ చాలా డిగ్నిఫైడ్ గా, సీరియస్ గా ఉంటుంది. ‘సర్కార్’లా ఓ ఫ్యామిలీ థ్రిల్లర్ గా ఉంటుంది.