ముగిసిన మారణకాండ.., పెరిగిన మృతుల సంఖ్య

Posted: 12/16/2014 08:19 PM IST

Pakistan peshawar operation ends school children death toll increases

ప్రపంచ దేశాలకు విషాధం మిగిల్చిన పెషావర్ స్కూల్ విషాధ ఆపరేషన్ ముగిసింది. స్కూలు విద్యార్థులను బలితీసుకున్న తీవ్రవాదులంతా చనిపోయారు. స్కూలు ను ఆధీనంలోకి తీసుకుని రంగంలోకి దిగిన పాక్ బలగాలు ఇద్దరు సైనికులను కాల్చి చంపగా.., మిగిలిన నలుగురు తమనుతాము పేల్చేసుకున్నారు. ఉగ్రవాదులంతా ఆత్మాహుతి దళ సభ్యులుగా పాక్ ఆర్మీ వెల్లడించింది. అటు ఈ దారుణ ఘటనలో చనిపోయిన వారి సంఖ్య 160కి చేరింది. మృతుల సంఖ్య మరింత పెరిగే అవకాశం ఉందని డాక్టర్లు ఆందోళన వ్యక్తం చేస్తున్నారు. అటు ఈ ఘటనకు పాల్పడింది తామే అని నిసిగ్గుగా ప్రకటించుకున్న తాలిబన్లు.., తాము కేవలం పెద్ద పిల్లలనే చంపాలని ఆదేశించినట్లు చెప్పింది. చిన్న పిల్లల జోలికి పోవద్దని ఉగ్రవాదులకు ముందే సూచించినట్లు తాలిబన్ అధికార ప్రతినిధి వెల్లడించాడు.

ఈ దుర్ఠటనను పాకిస్థాన్ ప్రధాని నవాజ్ షరీప్ జాతీయ విషాధంగా ప్రకటించారు. మూడు రోజుల పాటు సంతాప దినాలు ప్రకటించారు. పెషావర్ లో ఉండి పరిస్థితిని స్వయంగా సమీక్షిస్తున్న షరీఫ్, ప్రజలెవరూ భయపడవద్దన్నారు. ఉగ్రవాదంపై పాక్ ఉక్కుపాదం మోపుతుందని చెప్పారు. ఈ ఘటనపై చర్చించేందుకు బుదవారం ఉదయం 11గం.కు అఖిలపక్ష సమావేశం నిర్వహిస్తున్నారు. ఉగ్రవాదుల దాడిలో గాయపడిన పిల్లలు స్కూలులో జరిగిన ఘటనను తలుచుకుని భయంతో వణికిపోతున్నారు. ఏం జరిగిందో చెప్పటానికి కూడా వారికి నోట మాట రావటం లేదు.

కార్తిక్