కప్పట్రాళ్ల కేసులో 21 మందికి జీవిత ఖైదు

Posted: 12/10/2014 01:07 PM IST

Adhoni sessions court sentences life for 21 accused in kappatralla venkatappa naidu case

కర్నూలు జిల్లాలో పెను సంచలనానికి దారి తీసిన కప్పట్రాళ్ల వెంకటప్పనాయుడు హత్యకేసు అదోని సెషన్స్ కోర్టు ఇవాళ తీర్పును వెలువరించింది. ఈ హత్యకేసులో 21 మందికి శిక్ష ఖరారు చేస్తూ ఆదోని సెషన్స్ కోర్టు తీర్పు వెల్లడించింది. 2008 మే 17న కప్పట్రాళ్ల వెంకటప్పనాయుడు, అతని సోదరుడు సహా 10మందిపై ప్రత్యర్థులు లారీతో ఢీ కొట్టి, నాటు బాంబులు విసిరి హతమార్చారు. అంతేకాదు మరికొందరిని వేట కోడవళ్లతో నరికి చంపారు.

ఈ కేసులో మొత్తం 46 మంది నిందితులు కాగా వారిలో నలుగురిని ప్రత్యర్థులు హత్య చేశారు. అనారోగ్యంతో సబ్‌జైలులో మరో ముగ్గురు నిందితులు మరణించారు. నాలుగో నిందితుడు దివాకర్‌నాయుడు పరారీలో ఉన్నాడు. శిక్షపడిన 21 మంది దోషుల్లో ముగ్గురు మృతి చెందగా, ఒకరు పరారీలో ఉన్నారు. అయితే ప్రధాన నిందితుడి కోసం పోలీసులు అన్వేషణ సాగిస్తున్నారు.

జి మనోహర్