సింగపూర్ లా మార్చాలటా...!!

Posted: 12/10/2014 12:52 PM IST

ఇటీవల తెలంగాణ ముఖ్యమంత్రి జరిపిన అధికారుల మరియు ప్రజాప్రతినిధుల ముఖాముఖీ సమీక్ష లో ఎవరో కొందరు నేతలు హైదరాబాద్ బ్రాండ్ ఇమేజ్ పెంచాలని.., హైదరాబాద్ ని హై టెక్ గా తీర్చి దిద్ది సింగపూర్ ల మార్చాలని సలహా ఇచ్చారంట. సింగపూర్ లా హైదరాబాద్ నగరం అభివృద్ధి చెందితే తెలంగాణా రాష్ట్రానికి మంచి పెట్టుబడులు వస్తాయని తద్వారా రాష్ట్రానికి మంచి పేరు వస్తుందని ముఖ్యమంత్రి తో చెప్పారంట..!! ఇదంతా ఓపిగ్గా విన్న ముఖ్య మంత్రి హైదరాబాద్ ని సింగపూర్ ల అభివృద్ధి చేయాల్సిన అవసరం లేదని హైదరాబాద్ కి ఒక ప్రత్యేక గుర్తింపు ఉందని.., హైదరాబాద్ ని హైదరాబాద్ లా చూసుకుంటే చాలని.., ఉన్న నగరాన్ని అందరం కలిసి అభివృద్ధి చేసుకుందామని వాళ్ళకు చురకటించారట. దీంతో సైలెంటయిపోవటం ఆ నేతల వంతయ్యింది.

అంతే కాదు హైదరాబాద్ ని శరవేగంగా అభివృద్ధి చేసి చూపిస్తానని, హుస్సేన్ సాగర్ మురికి కూపంగా మారటం దురదృష్టమని యుద్ద ప్రాతిపదికన సాగర్ ని శుద్ధి చేసి, దాని పక్కన ఆకాశ హర్శ్యాలు నిర్మించి తీరుతామని స్పష్టం చేశారు. ఇదే కాకుండా వినాయక సాగర్ కూడా త్వరలోనే నిర్మించేలా చూస్తానని చెప్పారు. కాని దానికి ప్రతి పక్షాల నుండి తీవ్ర వ్యతిరేకత వస్తుండటంతో అఖిల పక్షాలన్నీ సహకరించాలని కోరినట్లు సమాచారం. అలాగే హైదరాబాద్ చుట్టు పక్కల కబ్జాలు కలవరపెడుతున్నాయని ఇక నుండి ప్రభుత్వ భూములను కబ్జా చేసే బడా బాబు లను వదిలిపెట్టే సమస్యే లేదని కబ్జాదారుల గుండెల్లో నిద్ర పోతానని హెచ్చరించారు.

హరి