నేడు క్రిస్మస్ కార్డ్ డే సందర్భంగా.....

Posted: 12/09/2014 06:28 PM IST

దాదాపుగా మన భారతీయులకు పోస్ట్ కార్డు ల ద్వార ఏ పండగ కైనా శుభాకాంక్షలు చెప్పుకునే సంప్రదాయం అపట్లో ఉండేది కాని సాంకేతిక పరిజ్ఞానం ప్రతి అందుబాటులోకి వచ్చాక ఎవరు కూడా కార్డు లు ఇచ్చిపుచ్చుకొనే సంప్రదాయాన్ని కొనసాగించటం లేదు. ఇప్పుడన్నీ మెయిల్ ల ద్వార తమ శుభాకాంక్షలని తెలియజేస్తున్నారు. కాని కార్డు ల అందం కార్డు లేక్ ఉంటుందనటంలో ఏలాంటి సందేహం లేదు ఒక్క కార్డు ఇవ్వటం ద్వారా స్వయంగా మనల్ని చూసిన అనుభూతి కలుగుతుంది వాళ్ళకు. కమర్షియల్‌గా క్రిస్మస్ కార్డుల ముద్రణ ప్రారంభమైన తర్వాత అనతి కాలంలోనే వాటికి ప్రపంచవ్యాప్తంగా గిరాకీ ఏర్పడింది. తొలిసారిగా బ్రిటన్‌లో ప్రభుత్వ అధికారి అయిన సర్ హెన్రీ కోలేకు వీటిని ముద్రించి ప్రజలకు విక్రయిస్తే బాగుంటుందనే ఆలోచన వచ్చింది. కార్డులను అందంగా తీర్చిదిద్దే పనిని తన మిత్రుడైన చిత్రకారుడు జాన్ హార్స్‌లీకి అప్పగించాడు. ఫలితంగా 1843లో తొలి క్రిస్మస్ కార్డు రూపుదిద్దుకుంది. సుమారు వెయ్యిప్రతులు ముద్రిస్తే హాట్‌కేకుల్ల్లా అమ్ముడయ్యాయి. ఒక్కో కార్డును వారు షిల్లింగు ధరకు అమ్మారు. ఇప్పటి లెక్కల ప్రకారం షిల్లింగు విలువ ఐదు పెన్నీలు లేదా ఎనిమిది సెంట్లు.. భారత కరెన్సీలో చెప్పుకోవాలంటే సుమారు ఐదు రూపాయలు మాత్రమే. అయితే, అప్పట్లో రూపాయి విలువలాగే, షిల్లింగు విలువ చాలా ఎక్కువగానే ఉండేది. తొలిసారిగా ముద్రించిన గ్రీటింగ్ కార్డులను ఇప్పటికీ కొందరు భద్రంగా దాచుకున్నారు. వేలం వేసినట్లయితే, ఇప్పుడు వాటి విలువ లక్షల్లో ఉంటుంది. అలా కార్డు లు ఇచ్చి పుచ్చుకునే సంప్రదాయం మొదలయ్యింది క్రిస్మస్ కి కొన్ని రోజుల ముందే మొదలయ్యే ఈ సందడి క్రిస్మస్ అయిపోయేంతవరకు సాగుతుంది.

తొలి క్రిస్మస్ కార్డు రూపకల్పనకు మూడేళ్ల ముందే బ్రిటన్‌లో పెన్నీ పోస్టల్ సర్వీసు మొదలైంది. దూర ప్రాంతాల్లో ఉండే బంధు మిత్రులకు సైతం పంపే వీలు ఉండటంతో గ్రీటింగ్ కార్డుల ముద్రణ శరవేగంగా భారీ పరిశ్రమ స్థాయికి చేరుకుంది. అపట్లో ఈ క్రిస్మస్ కార్డు రోజు ని సెలవు దినంగా ప్రకటించేవారు. ఈ సెలవు కొన్ని దశాబ్దాల కిందటి వరకు కూడా కొనసాగింది. అప్పటి నుంచి ఈరోజు క్రిస్మస్ కార్డ్ డేగా వాడుకలోకి వచ్చింది. మనం క్రిస్మస్ శుభాకాంక్షలు ఎవరికైనా తెలపాలి అనుకుంటే ఈ రోజు నుండే కార్డు ల ద్వార శుభాకాంక్షలు తెలపటానికి శ్రీకారం చుట్టాలి.

హరి