వీడు తండ్రి కాదు.. కాలయముడు

Posted: 12/08/2014 07:54 AM IST

నల్గొండ జిల్లాలో కన్నతండ్రే కాలయముడయ్యాడు. భార్యపై కోపంతో ముగ్గురు పిల్లలను అతి దారుణంగా చంపాడు. పిల్లలకు కరెంటు షాక్ పెట్టి.., అభంశుభం తెలియని ముగ్గురు పిల్లలనుబలితీసుకున్నాడు. వలిగొండ మండలం వెలివర్తిలో ఈ దారుణ ఘటన జరిగింది. కుటుంబ కలహాలు, భార్యపై వివాదం కారణంగా కోపగించుకున్న ఓ భర్త.., ముగ్గురు పిల్లలకు కరెంటు షాక్ పెట్టి చంపేశాడనిస్థానికులు ఆరోపిస్తున్నారు.

ఘటనపై కేసు నమోదు చేసిన పోలిసులు..., పిల్లలను తండ్రి హతమార్చినట్లు ఆధారాలు సేకరిస్తున్నారు. అటు ఈ ఘటన పట్ల వెలువర్తి ప్రజలు తీవ్ర ఆగ్రహం వ్యక్తం చేస్తున్నారు. కుటుంబ కలహాలతో    పిల్లలను చంపటం ఏమిటని ప్రశ్నిస్తున్నారు. నిందితుడికి కఠిన శిక్ష విధించాలని వారు డిమాండ్ చేస్తున్నారు.

 

కార్తిక్