హైదరాబాద్ చేరుకున్న ‘బాబు’ బృందానికి ఘనస్వాగతం

Posted: 11/30/2014 08:05 PM IST

జపాన్‌ పర్యటన ముగించుకుని ైదరాబాద్ బేగంపేటఎయిర్ పోర్టుకు చేరుకున్న ఆంధ్రప్రదేశ్‌ ముఖ్యమంత్రి చంద్రబాబు నాయుడుకు పార్టీ నేతలు, శ్రేణులు ఘన స్వాగతం పలికారు. నవ్యాంధ్రను అన్ని రంగాలలో ముందుకు తీసుకువెళ్లే కార్యక్రమంలో భాగంగా జపాన్ వెళ్లిన ముఖ్యమంత్రి బృందం.. అక్కడి పారిశ్రామిక వేత్తలకు ఏపీలో పెట్టుబడులు పెట్టాలని కోరారు. రాజధాని నిర్మాణం సహా నవ్యాంధ్ర అభివృద్దిలో తాము సహకరిస్తామని జపాన్ ప్రధాని అబే కూడా చంద్రబాబుకు హామి ఇచ్చారు. ఈ నేపధ్యంలో విజయవంతంగా పర్యటనను ముగించుకున్న చంద్రాబు బృందం ముందుగా ఢిల్లీ చేరుకుంది. చంద్రబాబు బృందానికి విమానాశ్రయంలో పలువురు టీడీపీ ఎంపీలు స్వాగతం పలికారు.

 హస్తిన నుంచి చంద్రబాబు అహ్మదాబాద్‌ చేరుకున్నారు. అక్కడి నుంచి చంద్రబాబు హైదరాబాద్‌ చేరుకున్నారు. బాబు బృందానికి ఏపీ మంత్రులు బేగంపేట్‌ విమానాశ్ర యంలో ఘన స్వాగతం పలికారు. ఏపీకి పెట్టుబడులు, రాజధాని నిర్మాణానికి సాయం, పలు సంస్థల ఒప్పందాలతో చంద్రబాబు జపాన్‌ పర్యటన విజయవంతంగా ముగిసింది. ఈ సందర్భంగా కంభంపాటి మాట్లాడుతూ పర్యటన మొత్తం విజయవంతగా సాగిందని తెలిపారు. ఏపీలో ఉన్న వనరులు, వసతుల గురించి జపాన్‌ పారిశ్రామిక వేత్తలకు చెప్పడం జరిగిందని చెప్పారు. పారిశ్రామిక వేత్తల మంచి స్పందన లభించిందని ఆయన చెప్పారు

జి. మనోహర్