ఆదాయపన్ను అధికారులకు.. తిమిగలం దొరికింది

Posted: 11/29/2014 08:01 PM IST

Rs 100 crore worth diamonds seized from up engineer s house

చిన్న చిన్న చేపలను పట్టుకునే ఆదాయ పన్ను శాఖ అధికారులు ఎట్టకేలకు పెద్ద తిమింగలాన్ని పట్టుకున్నారు. ప్రభుత్వ ఇంజనీరుగా పనిచేస్తున్న ఇంజనీరు నివాసంలో దాడులు జరిపిన ఇన్ కమ్ టాక్స్ అధికారులు.. ఆ ఉద్యోగి ఇంట్లో లభించిన ఆస్తులతో విస్తుపోయారు. ఉత్తరప్రదేశ్‌లోని నోయిడా అథారిటీ ఇంజినీర్ యాదవ్‌సింగ్ ఆదాయానికి మించి ఆస్తులను కూడబెట్టారన్న ఆరోఫణల నేపథ్యంలో అతని ఇల్లు, కార్యాలయాలపై దాడి జరిపిన ఆదాయంపన్ను (ఐటీ) శాఖ అధికారుల కళ్లు బైర్లు కమ్మాయి.

భారీ స్థాయిలో అవినీతికి పాల్పడిన యాదవ్‌సింగ్ నివాసంలో తాము స్వాధీనం చేసుకున్న నగదు రూ.10 కోట్లు ఉంటుందని అధికారులు తెలిపారు. ఆయన నివాసంలో దొరికిన సుమారు రెండుకిలోల వజ్రాభరణాల విలువ రూ.100 కోట్లు ఉంటుందన్నారు. దీంతోపాటు రూ.90 లక్షల విలువైన ఆడి కారును కూడా స్వాధీనం చేసుకున్నట్లు చెప్పారు. ఆయితే తాము వస్తున్నామన్న సమాచారం అందుకున్న యాదవ్ సింగ్, తన నివాసంలో పార్క్ చేసిన కారులో ఎనిమిది సంచుల్లో నగదు సర్ది ఉంచారని అధికారులు తెలిపారు.

జి మనోహర్