శ్రీనగర్ లాల్ చౌక్ లో గ్రెనేడ్ దాడి, 7గురికి గాయాలు

Posted: 11/29/2014 06:01 PM IST

ప్రధాన మంత్రి నరేంద్ర మోదీతో స్నేహపూర్వకంగా చేతులు కలిపిన మరుసటి రోజే పాకిస్థాన్ ప్రధాని నవాజ్ షరీఫ్ తన స్వరాన్ని మార్చారు. దేశ ఆత్మగౌరవం, ప్రతిష్ఠను పణంగా పెట్టి భారత్‌తో చర్చలు జరపలేమని చెప్పారు. కాఠ్‌మాండులో జరిగిన సార్క్ శిఖరాగ్ర సదస్సు నుంచి స్వదేశానికి తిరిగొచ్చిన ఆయన.. 'కేవలం మాట్లాడుకోవడం కోసమే చర్చలు' జరపడానికి పాక్ వ్యతిరేకమని తెలిపారు. అలా నవాజ్ షరీఫ్ వ్యాఖ్యానించిన గంటల వ్యవధిలోనే జమ్మూకాశ్మీర్ రాజధాని శ్రీనగర్ లో ఉద్రవాదులు గ్రెసేడ్ దాడికి తెగబడ్డారు. ఈ ధాడిలో సీఆర్పీఎఫ్ జవాను సహా మొత్తం 7 మంది త్రీవంగా గాయాపడ్డారు.

నిత్యం రద్గీగా వుండే శ్రీనగర్ లోని లాల్ చౌక్ ప్రాంతంలో ఇవాళ ఉగ్రవాదులు గ్రెనేడ్ తో తెగబడ్డారు. లాల్ చౌక్ లోని భద్రతా దళాలను లక్ష్యంగా చేసుకుని ఉగ్రవాదులు ఈ దాడికి తెగబడినట్టు వుందని పోలీసులు చెప్పారు. లాల్ చౌక్ లోని వాడుకలో లేని పల్లాడియం సినిమా ధీయేటర్ లో వున్న భద్రతా దళాలను టార్గెట్ చేసుకుని విసిరిన గ్రెనేడ్.. అనుకున్నంత దూరానికి వెళ్లకుండా.. రోడ్డపైనే పడి విస్పోటనం సంభవించిందన్నారు. లేని  పక్షంలో పెను విస్సోటనం జరిగేదన్నారు. క్షతగాత్రులను స్థానిక ఎస్ ఎం హెచ్ ఎస్ అస్పత్రికి తరలించి చికిత్సనందిస్తున్నారు. అయితే ఈ ఘటనకు పాల్పడింది తామేనంటూ ఇప్పటి వరకు ఏ ఉగ్రవాద సంస్థ ప్రకటించలేదు. అయితే పోలీసులు మాత్రం లాల్ చౌక్ సహా శ్రీనగర్ ప్రాంతాల్లో క్షుణ్ణంగా తనిఖీలు చేస్తున్నారు.

జి మనోహర్