భారత్ తో చర్చలకు సిద్దమని పాక్ వెల్లడి..!

Posted: 11/25/2014 09:20 PM IST

భారత్ తో చర్చలు జరిపేందుకు సిద్దంగా వున్నామని దాయాది దేశం పాకిస్థాన్ ప్రకటించింది. భారత్ తో శాంతి చర్చలు కోనసాగించేందుకు తాము సుముఖంగా వున్నట్లు పాకిస్థాన్ ప్రధాన మంత్రి నవాజ్ షరీఫ్ వెల్లడించారు. ఈ మేరకు పాకిస్థాన్ మీడియా వెల్లడించింది. ఈ విషయమై పాకిస్థాన్ విదేశాంగ వ్యవహారాల శాఖ మంత్రి సయూద్ అక్బరుద్దీన్ ను మీడియా ప్రశ్నించగా, అయన కూడా ఇరు దేశాల అధినేతల భేటీ జరుగుతుందన్న వార్తలను తోసిపుచ్చలేదు. అయితే భేటీ ఎప్పటికైనా జరగాల్సిందే కదా అంటూ పూర్తి సమాచారం అందించడానికి నిరాకరించారు.

సార్క్ దేశాల శిఖరాగ్ర సదస్సుకు హాజరుకానున్న పాకిస్థాన్ ప్రధాని నవాజ్ షరీఫ్ అక్కడ భారత ప్రధాన మంత్రి నరేంద్ర మోడీతో కలసి పలు అంశాలపై చర్చలు జరుపుతారన్నవార్తలు వెలువడుతున్నాయి. సార్క్ దేశాల సదస్సు ముగిసిన తరువాత వీరి భేటీ వుంటుందని సంకేతాలు వస్తున్నాయి. సరిహద్దు తీవ్రవాదాన్ని, కాల్పుల విరమణ ఒప్పందాన్ని నిలిపితేనే పాకిస్థాన్ తో చర్చలు జరుగుతాయని భారత్ తేల్చిచెప్పడంతో.. దాయాది దేశం పాకిస్థాన్ కొంత తగ్గింది. అయితే అడపా తడపా కాల్పుల విరమణ ఒప్పందానికి తూట్లు పోడుస్తూనే వుంది. ఈ నేపథ్యంలో పాకిస్థాన్ తో భారత్ ప్రధాని భేటీ అవుతారా..? అన్న ప్రశ్న తలెత్తుతోంది.

జి.మనోహర్