‘బంగారుతల్లి’ బతుకు ప్రశ్నార్ధకం

Posted: 11/24/2014 01:40 PM IST

రాష్ర్ట విభజన ప్రభావం ప్రజలతో పాటు, ప్రభుత్వ పధకాలపై కూడా పడింది. ఉమ్మడి ఆంధ్రప్రదేశ్ ప్రభుత్వం ప్రవేశపెట్టిన పథకాల్లొ కొన్ని యధతదంగా కొనసాగుతుండగా, కొన్ని మాత్రం నిలిచిపోయాయి. కనీసం వాటి మనుగడపై కూడా ఎక్కడా సమాచారం ఉండటం లేదు. గత ప్రభుత్వం ప్రతిష్టాత్మకంగా ప్రవేశపెట్టిన ‘బంగారుతల్లి’ పధకంపై తెలంగాణ ప్రభుత్వం వివిరణ వివాదానికి కారణం అయింది. పేద కుటుంబాల్లో పుట్టే ఆడ పిల్లల అభివృద్ధికి దోహదం చేసే ఈ పధకం/చట్టంను కొనసాగిస్తారా.. లేదా అని కాంగ్రెస్ సభ్యురాలు డీ.కే. అరుణ ప్రశ్నించారు.

స్పందించిన మంత్రి ఈటెల రాజేందర్ ‘బంగారు తల్లి’ గత ప్రభుత్వంతోనే పోయింది అని వివరణ ఇచ్చారు. ఒకవేళ ఈ పథకం కింద దరఖాస్తులు ఉంటే వాటిని పరిశీలిస్తామని చెప్పారు. దీంతో సభలో గందరగోళం నెలకొంది. తెలంగాణ సర్కారు తీసుకొచ్చిన ‘కళ్యాణ లక్ష్మి’ పథకం బాగుందనీ.., అయితే ‘బంగారుతల్లి’ ఇంకా బాగుంటుందనీ ఎక్కువ లాభాలు ఉంటాయని టీడీపీ సభ్యుడు ఎర్రబెల్లి స్పష్టం చేశారు. ఈ పథకం ఉంటుందా.. ఉండదా? క్లారిటీ ఇవ్వాలన్నారు. దీంతో ఎటూ పాలుపోని పరిస్థుతుల్లో పధకం ఖచ్చితంగా ఉంటుంది అని సూటిగా చెప్పకుండా.., ప్రజలకు మేలు చేసే పధకాన్ని ప్రభుత్వం తొలగించదు అని ప్రకటించారు.

కార్తిక్