అన్నదమ్ములిద్దరూ ప్రమాదకరమే

Posted: 11/24/2014 12:52 PM IST

మజ్లిస్ పార్టీతో బీజేపి సత్సంబంధాలు నెరుపుతుందని కాంగ్రెస్ నేత దిగ్విజయ్ సింగ్ చేసిన సంచలన ఆరోపణలపై తెలంగాణ బీజేపి అధ్యక్షుడు కిషన్ రెడ్డి ఘాటుగా స్పందించారు. రౌడీలు, గుండాలతో తమ పార్టీ స్నేహం చెయ్యదన్నారు. మజ్లిస్ ఎదుగుదల అంటే అది భారత్ కు ప్రమాదకర పరిణామంగా ఆందోళన వ్యక్తం చేశారు. మజ్లిస్ తో బీజేపికి సత్సంబంధాలు ఉన్నాయనే ఆరోపణలను ఖండించారు. తము భవిష్యత్తులో కూడా ఎప్పుడూ మజ్లిస్ దోస్తీని కలలో కూడా ఊహించమన్నారు.

మజ్లిస్ ప్రమాదకర పార్టీగా కిషన్ రెడ్డి పేర్కొన్నార. వాస్తవంగా చెప్పాలంటే మజ్లిస్ కు కాంగ్రెస్ అండదండలు ఉన్నాయనీ., అధికారంలో ఉన్న సమయంలో మజ్లిస్ ఏది కోరితే కాంగ్రెస్ ప్రభుత్వం అది చేసిందని ప్రజలందరికి తెలుసన్నారు. అసదుద్దీన్ ఓవైసీ, అక్బరుద్దీన్ ఓవైసీ ఇద్దరూ ప్రమాదకర వ్యక్తులన్నారు. హైదరాబాద్ వంటి ప్రాంతాల్లో ఎం.ఐ.ఎం. పార్టీపై అలుపెరగని పోరాటం చేస్తుంది బీజేపి మాత్రమే అని గుర్తు చేశారు. మీడియాలో ఉండేందుకు అసత్య ఆరోపణలతో పబ్బం గడుపుకూడదని దిగ్విజయ్ కు కిషన్ రెడ్డి సూచించారు.

కార్తిక్