పదవీ విరమణ వయస్సును పెంచబోం..

Posted: 11/20/2014 01:39 PM IST

No increase in age limit of retirement will give protection to women says telangana government

తెలంగాణ ఉద్యోగులకు ఆంధ్రప్రదేశ్ తరహాలోనే పదవీ విరమణ వయస్సును పెంచుతారన్న ఉద్యోగుల ఆశలపై ప్రభుత్వం నీళ్లు చల్లింది. తెలంగాణ ఉద్యోగులకు 58 ఏళ్లకే పదవీ విమరణ ఉంటుందని, పదవీ విరమణ వయస్సును పెంచే ప్రసక్తే లేదని ఆర్థిక మంత్రి ఈటెల రాజేందర్‌ స్పష్టం చేశారు. కొత్త రాష్ట్రంలో ఉద్యోగాల కోసం యువత వేచిచూస్తున్నారన్నారు. వారికి ఉద్యోగాలను కల్పించాల్సిన బాధ్యత ప్రభుత్వంపై వుందన్నారు. ప్రభుత్వం ఖాళీ ఉద్యోగాలను త్వరలో భర్తీ చేయనున్నట్లు మంత్రి ఈటెల తెలిపారు.

తెలంగాణ రాష్ట్రంలో మహిళలకు పూర్తి స్థాయి రక్షణ కల్పిస్తామని హోంశాఖ మంత్రి నాయిని నర్సింహారెడ్డి హామీ ఇచ్చారు. హైదరాబాద్‌ను విశ్వనగరంగా చేస్తామన్నారు. నగరంలో క్లబ్‌లను మొత్తం మూసివేయించిన చరిత్ర తమ ప్రభుత్వానిదే అని వెల్లడించారు. చైన్‌స్నాచింగ్‌లను అరికట్టడటానికి అనేక కార్యక్రమాలను చేపట్టామని తెలిపారు. నగరంలో వెయ్యి సీసీ కెమెరాలను ఏర్పాటు చేశామని, అన్ని ప్రాంతాల్లో సీసీ కెమెరాలను ఏర్పాటు చేసేందుకు రూ. 70 కోట్లు కేటాయించినట్లు ఆయన వెల్లడించారు. నగరంలో శాంతిభద్రతలకు విఘాతం కలుగకుండా ప్రభుత్వం చర్యలు తీసుకుంటుందని మంత్రి నాయిని నర్సింహారెడ్డి తెలిపారు.

జి.మనోహర్