రాంపాల్ బెయిల్ ను రద్దు చేసిన హైకోర్టు..

Posted: 11/20/2014 01:07 PM IST

రాజ్యాంగేతర శక్తిలా వ్యవహరించిన వివాదాస్పద ఆధ్యాత్మిక గురువు సంత్‌రాంపాల్‌ బెయిల్‌ను హర్యానా హైకోర్టు రద్దు చేసింది. ఆయనను తక్షణం కస్టడీలోకి తీసుకోవాలని కోర్టు ఆదేశించింది. ఈ మధ్యాహ్నం ఆయనను కోర్టులో హజారపర్చాలని పోలీసులను ఆదేశించింది. 2006 నాటి ఓ హత్య కేసులో నిందితుడిగా ఉన్న రాంపాల్‌ అప్పట్లో బెయిల్‌ తీసుకుని బయటకు వచ్చారు. ఆ తరువాత ఒక్కసారి కూడా కోర్టుకు హాజరుకాలేదు. 43 సార్లు కోర్టు ఆదేశాలను రాంపాల్‌ బేఖాతరు చేశాడు. దీంతో ఆయన బెయిల్ ను న్యాయమూర్తులు జస్టిస్ జయపాల్, జస్టిస్ దర్శన్ సింగ్ నేతృత్వంలోని హైకోర్టు ద్విసభ్య బెంచ్ రద్దు చేసింది.
 
హిస్సర్‌ జిల్లా బర్వానాలోని ఆశ్రమం వద్ద రాంపాల్‌ను అరెస్ట్‌ చేయాలని పోలీసుల ప్రయత్నాలను గత రెండు వారాలుగా తన అనుచరులతో అడ్డుకోవడంతో హిస్సార్ లో ఉద్రిక్త పరిస్థితులకు దారి తీశాయి. తన అనుచరులపై పోలీసులపై దాడి చేయించిన రాంపాల్‌ మీద దేశద్రోహం కేసును నమోదు చేశారు. రాంపాల్‌ ఆశ్రమాన్ని ఛేదించిన పోలీసులు ఆయనను అరెస్ట్‌ చేసి కట్టుదిట్టమైన భద్రతల మద్య చంఢీగడ్ సమీపంలోని పంచకుల పట్టణానికి తీసుకోచ్చారు. ఈ ఉదయం పంచకులలోని ప్రభుత్వ ఆస్పత్రిలో రాంపాల్‌కు వైద్య పరీక్షలు నిర్వహించారు. ఈ సందర్భంగా రాంపాల్ మాట్లాడుతూ తనపై వచ్చిన అభియోగాలను తోసిపుచ్చారు. తాను ఎవరినీ తన సత్ రామ్ ఆశ్రమంలో బందించలేదని, ఎలాంటి సైన్యాన్ని ఏర్పాటు చేయలదేని చెప్పారు.
 
జి.మనోహర్