రాసలీలలతో పట్టబడ్డ పోలిసులపై వేటు

Posted: 11/20/2014 08:04 AM IST

అక్రమ సంబంధం పెట్టకుని అడ్డంగా బుక్కయిన పోలిసులను తెలంగాణ పోలిస్ శాఖ సస్పెండ్ చేసింది. హైదరాబాద్ లో గతవారం వెలుగుచూసిన సీఐ, ఎస్సై అక్రమ సంబంధం విషయం తెలిసిందే. ఈ ఘటనను తీవ్రంగా  పరిగణించిన పోలిస్ శాఖ, వెంటనే వీరిద్దరిని డీజీపీ ఆఫీస్ కు అటాచ్ చేస్తూ ఉత్తర్వులు జారీ చేసింది. ఆ తర్వాత మహిళా పోలిస్ భర్త సునీల్ ఇచ్చిన ఫిర్యాదుపై ధర్యాప్తు చేసిన పోలిసులు అక్రమ సంబంధం నిజమే అని తేల్చారు. దీంతో మహిళా ఎస్సైతో పాటు సీఐను సస్పెండ్ చేస్తూ ఉన్నతాధికారులు ఆదేశాలు జారీ చేశారు.

వరంగల్ మహిళా పోలిస్ స్టేషన్ ఎస్.ఐ.రాజ్యలక్ష్మి, కరీంనగర్ త్రీటౌన్ పీఎస్ సీఐ స్వామి మద్య అక్రమ సంబంధం ఉంది. అసెంబ్లీ సమావేశాల బందోబస్తు కోసం వీరిద్దరికి హైదరాబాద్ లో డ్యూటి వేశారు. అయితే స్వామి తనకు కేటాయించిన హోటల్ లో కాకుండా మహిళా ఎస్సైకి కేటాయించిన హోటల్ లో ఉన్నాడు. ఈ సమయంలోనే హోటల్ కు వచ్చిన మహిళా ఎస్సై భర్త సునీల్ రెడ్ హ్యాండెడ్ గా వీరిని పట్టుకున్నారు. దీంతో వీరిద్దరిపై ఆబిడ్స్ పోలిసులకు ఫిర్యాదు చేసి చర్యలు తీసుకోవాలని కోరారు.

 

కార్తిక్