‘దేశద్రోహం’ కేసు కింద బాబా రాంపాల్ అరెస్ట్

Posted: 11/19/2014 08:34 PM IST

హర్యానాలోని హిస్సార్ లో హింసకు కారణమైన స్వామీజీ రాంపాల్ పై దేశద్రోహం కేసు నమోదైన విషయం ఇదివరకు తెలిసిందే! రాంపాల్ ఆశ్రమం వద్ద జరిగిన ఘర్షణపై కేంద్ర హోంశాఖ 500 మంది పారామిలిటరీ బలగాలతో దర్యాప్తు జరిపింది. అనంతరం పోలీసులు బాబాను అరెస్ట్ చేశారు. అప్పటికే రాంపాల్ ఆశ్రమాన్ని భారీసంఖ్యలో చుట్టుముట్టిన పోలీసులు.. రాంపాల్ ముఖ్య అనుచరుడు పురుషోత్తందాస్ సహా మరో 450 మందిని అదుపులోకి తీసుకున్నారు. ఆశ్రమంలో ఆరుగురు మృతి చెందారని పోలీసులు నిర్ధారించారు.

అయితే బాబా రాంపాల్ ను అరెస్ట్ చేస్తున్నారన్న విషయం తెలుసుకున్న భక్తులు రాద్ధాంతం సృష్టిస్తున్నారు. ఆశ్రమం వద్ద పరిస్థితి తీవ్ర ఉద్రిక్తంగా మారిపోయింది. ఈ నేపథ్యంలోనే కేంద్రహోంమత్రి రాజ్ నాథ్ సింగ్ హర్యానా ముఖ్యమంత్రికి ఫోన్ చేసి... ఆశ్రమంలో నెలకొన్న పరిస్థితిపై వాకబు చేశారు. ఇదిలావుండగా.. ఇప్పటివరకు రాంపాల్ పై కోర్టు 43 అరెస్ట్ వారంట్లను జారీచేసింది కూడా! మరి ఇతర బాబాల్లాగే ఇతని వ్యవహారం చాలారోజులవరకు కొనసాగుతుందా..? లేదా త్వరలోనే తీర్పు ఏదైనా నిర్ణయం తీసుకుంటారా..? అన్నదే చూడాలి!