సునంద పుష్కర్ మృతిలో కొత్త కోణం

Posted: 11/19/2014 08:00 AM IST

New angle in sunanda pushkar mystery death case

దేశంలో సంచలనం రేపిన కేంద్ర మాజిమంత్రి శశిథరూర్ బార్య సునంద పుష్కర్ మృతి కేసు కొత్త మలుపు తిరిగింది. ఇప్పిటికే మిస్టరీగా ఉన్న ఈ కేసులో తాజాగా విదేశీయుల కోణం వెలుగు చూసింది. సునంద అనుమానాస్పదంగా మృతి చెందిన లీలా ప్యాలెస్ హోటల్ లో విదేశీయులు ముగ్గురు విదేశీయులు ఈ ఏడాది జనవరి 13నుంచి 18వరకు ఉన్నట్లు గుర్తించారు. వీరంతా వీసా అనుమతులు లేకుండానే దేశంలోకి ప్రవేశించారని నిగ్గు తేల్చారు. ఈ ముగ్గురిలో పాక్, దుబాయ్ దేశాలకు చెందినట్లు పోలిసులు గుర్తించారు.

నకిలి పాస్ పోర్టులను హోటల్ యాజమాన్యంకు సమర్పించిన ముగ్గురూ ఐదు రోజుల పాటు హోటల్ లో ఉన్నట్లు పోలిసులు నిర్ధారించారు. వీరు ఎందుకు వచ్చారు.., హోటల్ లో బసచేయటానికి గల కారణాలు, సునంద మృతితో వీరికి ఉన్న సంబంధాలపై ఆరా తీస్తున్నారు. మరోవైపు పుష్కర్ మృతికి కారణమైన విషం ఏమిటనేది ఎయిమ్స్ వైద్యులు గుర్తించలేకపోయారు. దీంతో ఆమె శరీర భాగాలను పరీక్షల కోసం పోలిసులు విదేశాలకు పంపించారు. ఏ ఏడాది జనవరి 17న సునంద మృతి చెందిన విషయం తెలిసిందే.

కార్తిక్