హైదరాబాద్ లో నేడే సల్మాన్ సోదరి వివాహం

Posted: 11/18/2014 07:29 AM IST

బాలీవుడ్ స్టార్, కండలవీరుడు సల్మాన్ ఖాన్ సోదరి అర్పిత వివాహం ఇవాళ జరగనుంది. హైదరాబాద్ లోని ప్రఖ్యాతిగాంచిన ఫలక్ నమా ప్యాలెస్ లో జరిగే ఈ వేడుక కోసం బాలీవుడ్ తారాగణమంతా తరులుతోంది. ఇప్పటికే  సల్మాన్ కుటుంబ సభ్యులంతా వివాహ వేడుక కోసం హైదరాబాద్ కు వచ్చారు. వీరితో పాటు కుటుంబ సన్నిహితులు, బాలీవుడ్ ప్రముఖులు పలువురు కూడా హైదరాబాద్ హోటళ్ళలో దిగారు. మిగతావారు ఇవాళ వస్తారని సల్మాన్ వ్యక్తిగత సహాయకులు తెలిపారు.

బాలీవుడ్ నుంచే కాకుండా టాలీవుడ్ నుంచి కూడా పలువురు ఈ వివాహ వేడుకకు హాజరుకానున్నారు. అర్పితా ఖాన్ పెళ్లి కోసం ఫలక్ నమా ప్యాలెస్ ముస్తాబయింది. సర్వాంగ సుందరంగా ప్యాలెస్ సిద్ధమయింది. అర్పిత వివాహం నేపథ్యంలో సినిమాతో పాటు వివిధ రంగాలకు చెందిన ప్రముఖుల రాకపోకలతో ఫలక్ నమా పరిసరాలకు కొత్తకళ వచ్చేసింది. పెళ్లికి ప్రముఖులు హాజరవుతుండటంతో.., అభిమాన హీరోలను చూసేందుకు ఫలక్ నమా ప్యాలెస్ సమీపంలో ప్రజలు పెద్దసంఖ్యలో గుమిగూడి కన్పిస్తున్నారు.

కార్తిక్