నరేంద్ర మోడి సిడ్నీ ప్రసంగ హైలైట్స్

Posted: 11/17/2014 03:09 PM IST

దేశ ప్రధాని నరేంద్రమోడి ప్రసంగంతో ఆస్ర్టేలియాలోని సిడ్నీ నగరం ఉర్రూతలూగింది. ఉత్తేజభరితమైన ప్రసంగంతో ఆస్ర్టేలియాలోని భారతీయులను ఆయన మేల్కొల్పారు. దేశం కోసం పోరాడే, చనిపోయే అవకాశం భరతమాత ఎలాగూ ఇవ్వలేదు. కాబట్టి కనీసం దేశం కోసం జీవిచండి అని పిలుపునిచ్చారు. సిడ్నీలో భారతీయులను ఉద్దేశ్యించి ప్రసంగించిన మోడి ఆస్ర్టేలియాకు 200 సం.క్రితమే భారతీయులు వెళ్లారని చెప్పారు. ఆస్ర్టేలియాను సొంత దేశంగా భావించి భారతీయులు అభివృద్ధి చేశాని చెప్పారు. 1964లోనే టోక్యో ఒలంపిక్స్ కు మక్వ్తార్ సింగ్ ఆస్ర్టేలియా తరుపున వెళ్లాడని గుర్తు చేశారు.

భారతీయులైనందుకు ప్రపంచంలో ఎక్కడ ఉన్నా, అక్కడి ప్రజల ప్రేమానురాగాలు పొందుతామన్నారు. కష్టపడే తత్వం, తెలివే భారతీయులను ఎక్కడికెళ్లినా ఆదరిస్తుందని చెప్పారు. ఎన్నికల సమయంలో విదేశాల్లోని భారతీయులు ఓటేయకపోయినా అనుక్షణం దేశం గురించే ఆలోచిస్తూ ఉంటారని తనకు తెలుసన్నారు. అందరి నమ్మకాలు, ఆశలను తాను బాద్యతగా స్వీకరించి కర్తవ్యం నెరవేరుస్తానని హామి ఇచ్చారు. తాను వచ్చాక పేదలు బ్యాంకులకు వెళ్తున్నారు. కేవలం 6రోజుల్లో 7కోట్లకు పైగా బ్యాంకు ఖాతాలు తెరిపించామని చెప్పారు. ఇంట్లో మరుగుదొడ్లు ఉన్నాయా లేవా అని పరిశీలించి కూడా వాటిని ఎంతో ఇష్టంతో కట్టిస్తున్నట్లు చెప్పారు.

కార్తిక్