తీరని విషాదంలో హీరోయిన్ అదా శర్మ

Posted: 11/17/2014 07:31 AM IST

టాలీవుడ్ స్టార్ హీరోయిన్ అదాశర్మకు పితృవియోగం కలిగింది. ఆమె తండ్రి ఎస్.ఎల్. శర్మ శనివారం రోజు లోకాన్ని విడిచి వెళ్ళారు. ఈ విషయాన్ని అదా తన ట్విట్టర్ పేజిలో ఆదివారం పోస్ట్ చేసింది. ‘‘ మా తండ్రి నిన్న(శనివారం) అకస్మాత్తుగాగుండెపొటు వచ్చి ప్రాణాలు విడిచారు. చావు అనేది ఎలా ఉంటుందో ఎవరూ ముందుగా ఊహించలేదనిది’’ అని తీవ్ర విషాదంలో అదా పోస్ట్ చేసింది.

అంతేకాకుండా తన తండ్రితో బాల్యస్మృతులు గుర్తు చేసుకుంటూ ఫోటోలను పోస్ట్ చేసి ఆత్మకు ఆయన శాంతి కలగాలని కోరుకుంటున్నట్లు తెలిపింది. కెప్టెన్ ఎస్.ఎల్. శర్మ దంపతులకు అదా శర్మ ఏకైక కుమార్తె. దీంతో కుటుంబంలో గారాబంగా

పెరిగింది. ముఖ్యంగా తండ్రితో బాగా చనువుగా ఉండేది. అన్ని విషయాల్లో ప్రోత్సహించి, మార్గదర్శకుడిగా వ్యవహరించే తండ్రి దూరం కావటంతో అదా తీరని విషాదంలో మునిగిపోయింది.

ఇక ఈ విషయం తెలిసిన టాలీవుడ్ ప్రముఖులు విచారం వ్యక్తం చేశారు. ఇండస్ర్టీలో మంచి హీరోయిన్ గా ఎదుగుతున్న సమయంలో ఇలా జరగటం బాధాకరమన్నారు. ప్రస్తుతం అల్లు అర్జున్-త్రివిక్రమ్ కాంబినేషన్ సినిమాలో అదా నటిస్తోంది.దీంతో పాటు పీవీపీ బ్యానర్ లేడి ఓరియంటెడ్ మూవీలో నటించేందుకు కూడా సంతకం చేసినట్లు తెలుస్తోంది.

 

 

కార్తిక్