హై అలర్ట్ : సునామీ హెచ్చరికలు జారీ

Posted: 11/15/2014 09:52 AM IST

Tsunami warning with indonesian earthquake

లక్షలమందిని కబళించుకుపోయిన ప్రకృతి విపత్తు సునామీ మరోసారి విరుచుకుపడే అవకాశం ఉందని ఇండోనేషియా వాతావారణ శాఖ అధికారులు హెచ్చరించారు. తూర్పు ఇండోనేషియాలోని మలుకు దీవుల్లో భారీ భూకంపం సంభవించింది. రిక్టర్ స్కేలుపై దీని తీవ్రత 7.3గా నమోదైంది. సముద్రం లోపల 46 కిలోమీటర్ల దూరంలో భూకంప కేంద్రం ఉన్నట్లు భూకంప కేంద్ర అధికారులు గుర్తించాు. ఈ కారణంగా ఇండోనేషియాకు 300 కిలోమీటర్ల పరిధిలో సునామి వచ్చే అవకాశం ఉందని హెచ్చరికలు జారీ చేశారు.

దక్షిణ పసిఫిక్ దీవులకు హెచ్చరికలు జారీ అయ్యాయి. వీటిలో ప్రధానంగా ఇండోనేషియా, ఫిలిప్పిన్స్, జపాన్, తైవాన్ సమీపంలోని దేశాలకు హెచ్చరికలు జారీ అయ్యాయి. అయితే భారత్ ఇండోనేషియాకు 5వేల కిలోమీటర్ల దూరంలో ఉండటంతో సునామీ హెచ్చరికలు మనకు లేవు అని ఢిల్లీలోని భారత వాతావరణ కేంద్రం తెలిపింది. 2004లో వచ్చిన సునామితో పసిఫిక్ తీరంలో ఉన్న మిగతా దేశాలతో పాటు భారత్ కూడా బలి అయిన విషయం తెలిసిందే. నాటి విపత్తు మరోసారి వస్తుందన్న హెచ్చరికలతో తీర ప్రాంత దేశాలు అప్రమత్తం అయ్యాయి. లోతట్టు ప్రాంతాల ప్రజలతో పాటు, సముద్రతీరం సమీపంలో ఉండే వారిని ఆయా దేశాల అధికారులు సురక్షిత ప్రాంతాలకు తరలిస్తున్నారు.

కార్తిక్