లంచ్ లో నాన్ వెజ్ తీసుకువెళ్తే నేరమా..?

Posted: 11/14/2014 09:10 AM IST

పాశ్యాచ మోజులో పడి ఆంగ్లమే సర్వస్వం అంటూ గగ్గోలు పెడుతున్న ప్రసుత్త పాఠశాలలు.. అంగ్లంలో మాట్లాడలేదని విదార్థులను చితకబాదిన ఘటనలు ఎన్నో వున్నాయి. ఫీజు కట్టలేదనో, అయప్ప స్వామి మాల వేశాడనో కొట్టిన ఘటనలు అనేకం వున్నాయి. కాని ఇక్కడ మరో విచిత్రమైన ఘటన చోటచేసుకుంది. చదువుకుంటే వున్న మతి పోయినట్లు.. పిల్లలు తినే బోజనంలో కూడా ఆంక్షలు విధించింది అక్కడి పాఠశాల యాజమాన్యం. విద్యార్థులు మధ్యాహ్నం బోజనంలో మాంసాహారం తీసుకువస్తే కూడా నేరమన్నట్లు వ్యవహరించింది. పిల్లవాడిని కొట్టి హింసించింది.

వివరాల్లోకి వెళ్తే మధ్యాహ్నం భోజనంలో మాంసాహారం తీసుకువచ్చాడని విద్యార్థిని టీచర్ చితకబాదారు. మన్సూరాబాద్‌లోని సెంట్రల్ బ్యాంక్ కాలనీలోని కాకతీయ టెక్నో స్కూల్‌లో అదే ప్రాంతానికి చెందిన వర్థమాన్(5) ఒకటో తరగతి చదువుతున్నాడు. గురువారం టిఫిన్ బాక్సులో మాంసాహారం తీసుకువచ్చినట్లు గమనించిన టీచర్ మాధవి విద్యార్థిని చితకబాదింది. ఎందుకు మాంసాహారాన్ని తీసుకువచ్చివని నిలదీసింది. అమాయకంగా బిక్క ముఖం పెట్టిన విద్యార్థి.. తన తల్లి టిపిన్ బాక్స్ పెడుతుంది. ఏం పెట్టిందో తనకు తెలియదని చెప్పినా వినిపించుకోని టీచర్ తన ప్రతాపాన్ని చూపింది. ఇంటికి వెళ్లిన పిల్లవాడు తల్లిదండ్రులతో విషయం చెప్పాడు. ఈ విషయమై వారు బాలల హక్కుల కమిషన్‌కు ఫిర్యాదు చేసినట్లు పేర్కొన్నారు.

జి.మనోహర్