అద్భుతం.. అంగారకుడి అకాశంలో తారజువ్వలు..

Posted: 11/09/2014 06:44 PM IST

ఖగోళంలో అద్భత సన్నివేశం.. అంగారక గ్రాహానికి అతి చేరువగా వచ్చిన తోక చుక్క.. సైడింగ్ స్ట్రింగ్ మార్స్ గ్రహానికి అతిచేరువగా వచ్చి హలో చెప్పి వెళ్లిన సంగతి తెలిసిందే. గత నెలలో అంగారకుడి వాతావరణాన్ని రాసుకుంటూ వెళ్లిన తోకచుక్క సైడింగ్ స్ప్రింగ్.. తాజాగా,  అద్భుతమైన తారాజువ్వల్లాంటి వెలుగులను చిమ్మినట్లు శాస్త్రవేత్తలు తెలిపారు. తోకచుక్క నుంచి వచ్చిపడ్డ టన్నులకొద్దీ ధూళి అరుణగ్రహ వాతావరణంలో మండిపోవడం వల్ల ఈ పరిణామం చోటుచేసుకున్నట్లు చెప్పారు. ఈ ఖగోళ వస్తువు గతనెల 19న అంగారకుడి ఉపరితలానికి 87వేల కిలోమీటర్ల దూరం నుంచి వెళ్లింది. నాటి పరిణామానికి సంబంధించిన శాస్త్రీయ వివరాలను శాస్త్రవేత్తలు

తాజాగా వెలువరించారు. అయితే వెలుగులు చిమ్మే పరిణామాన్ని అమెరికా అంతరిక్ష సంస్థ (నాసా)కు చెందిన అంగారక రోవర్లు ఆపర్చ్యునిటీ, క్యూరియాసిటీలు పరిశీలించలేకపోయాయని చెప్పారు. తోకచుక్కను ఆపర్చ్యునిటీ కొన్ని ఫోటోలు తీసిందని తెలిపారు. అరుణగ్రహ కక్ష్యలో ఉన్న ఉపగ్రహాలు మాత్రం ఆ గ్రహంపై తోకచుక్క చూపిన ప్రభావాన్ని పరిశీలించాయి. ఆ ఖగోళవస్తువులో మెగ్నీషియం, ఇనుము, సోడియం, పొటాషియం, మ్యాంగనీసు, నికెల్, క్రోమియం, జింక్ వంటి పదార్థాలు ఉన్నట్లు మావెన్ అనే ఉపగ్రహం గుర్తించింది. ఐరోపా అంతరిక్ష సంస్థకు చెందిన మార్స్ ఎక్స్‌ప్రెస్ కూడా తోకచుక్క.. చూపిన ప్రభావాన్ని అధ్యయనం చేసింది.

జి.మనోహర్