ఆనం వారి భక్తి గానామృతం... భేష్...

Posted: 11/07/2014 05:09 PM IST

ప్రజలను ఆకట్టుకోవటంలో ఆయన రూటే సపరేట్. బైక్పై దూసుకుపోవటంలోనైనా, వివాదాస్పద వ్యాఖ్యలు చేయడంలోనైనా ఆయనకు ఆయనే సాటి. పబ్లిక్గా దమ్ము కొట్టడం, కట్టుబోట్టుతో వచ్చి చీర సింగారించుకోవటంలోనైనా.. ఇష్టానుసారంగా వేషాధారణ మార్చడంలోనైనా ఆయనకు రారు వెరొకరు సరిపాటి. అయితే ఇదంగా సినిమాల్లోనో, లేక బుల్లి తెరలోనో అనుకుంటే పోరబాటే.. మేము చెబుతోందంతా రియల్ లైప్ లో ఆచరిచి, వ్యవహరించే రాజకీయ నేత గురించి. సదరు రాజకీయ నేతగారి అలవాటు. సందర్భానికి అనుకూలంగా మారిపోవటం ఆయన స్టైల్. ఇంతకీ ఎవరాయన అనుకుంటున్నారా,  ఆయనే కాంగ్రెస్ మాజీ ఎమ్మెల్యే ఆనం వివేకానందరెడ్డి.

తాజాగా ఆయన గాయకుడి అవతారం ఎత్తారు.  కార్తీక పౌర్ణమి సందర్భంగా ఆయన భక్తిగీతాలు ఆలపించారు. నెల్లూరులోని మూలపేట శ్రీ మూలస్థానేశ్వర స్వామి ఆలయానికి వచ్చిన ఆనం వివేకానందరెడ్డి అక్కడ భక్తులతో పాటు గొంతు కలిపారు. తన గానంతో అక్కడవారిని మెప్పించారు. ప్రసంగాలే కాదు... పాటలు పాడటంలోనూ తనకు తానే సాటి అన్నట్టుగా ఆనం ప్రొఫెషనల్ సింగర్ పాడినట్లు భక్తి గీతాలు పాడటం భక్తులకు పరవశించారు.

జి. మనోహర్