ఉత్తర్ ప్రదేశ్ లో ఘోర విషాదం, పడవ మునిగి 12 మంది గల్లంతు

Posted: 11/07/2014 04:38 PM IST

12 children feared drowned as boat capsizes in rae bareli

ఉత్తర్ ప్రదేశ్ లోని రాయ్ బరేలీ జిల్లాలలో విషాదం చోటుచేసుకుంది. జిల్లా మీదుగా ప్రవహిస్తున్న గంగానదిలో 18 మందితో ప్రయాణిస్తున్న పడవ మునిగిపోవడంతో 12 మంది చిన్నారులు గల్లంతయ్యారు. జిల్లాలోని రాల్ పూర్ ఘాట్ వద్ద ఇవాళ ఈ ఘటన చోటుచేసుకుంది. పవడలో ప్రయాణిస్తున్న ఆరుగురు చిన్నారులు ఈదుకుంటూ సురక్షితంగా బయటపడ్డారు. ఈత రాని పన్నెండు మంది చిన్నారులు గల్లంతయ్యారు. సంఘటన సమాచారం అందుకున్న జిల్లా పోలీసు సూపరింటెండ్ ఎన్ కోలాంచీ ఘటనా స్థలానికి చేరకుని గల్లంతైన చిన్నారుల కోసం గాలింపు చర్యలు చేపట్టారు.

గల్లంతైన వారిలో శిల్పి (15), రౌనక్ (10)ఇద్దరి మృతదేహాలు లభ్యమయ్యాయి. మిగిలిన చిన్నారుల కోసం గజ ఈతగాళ్లతో గాలిస్తున్నామని చెప్పారు. శ్వేత (16), కోమల్ (2) శివానీ (14), షగున్ (15), చోటీ (12), సునీల్ (15), దీపక్ (13), సురజ్ (16) ఆశ (7), లాల (11)లు గల్లంతయ్యారు. పడవలో మునిగిన సమయంలో అందులో వున్నవారంతా కూడా మైనర్లు, చిన్నారులు కావడంతో, అందులోనూ ఒకే గ్రామానికి చెందిన వారు కావడంతో గ్రామంలో విషాదఛాయలు అలుముకున్నాయి గల్లంతైన చిన్నారులంతా స్థానికంగా వున్న కంజా గ్రామానికి చెందినవారు కావడం గ్రామం యావత్తు శోఖసంధ్రంగా మునిగింది.

జి. మనోహర్