ఆధార్ కార్డుల పంఫిణీని మార్చి లోపు పూర్తి చేయండి..

Posted: 11/07/2014 12:59 PM IST

Center orders npr uidai to complete aadhar cards by next march

దేశంలోని ప్రజలందరికీ వచ్చే ఏడాది మార్చిలోగా ఆధార్ సంఖ్య కేటాయింపును, వివరాల నమోదును పూర్తిచేయాలంటూ విశిష్ట గుర్తింపు ప్రాధికార సంస్థ(యూఐడీఏఐ), జాతీయ జనాభా నమోదు సంస్థ(ఎన్‌పీఆర్)లను కేంద్రం ఆదేశించింది. ఈ ప్రాజెక్టు సమీక్షా సమావేశంలో ప్రధాని కార్యాలయం ఈ మేరకు ఆదేశించినట్లు ఓ అధికారి తెలిపారు. యూఐడీఏఐ ఇప్పటిదాకా దేశవ్యాప్తంగా 70 కోట్ల మందికి ఆధార్ సంఖ్యను కేటాయించింది. వివిధ సాంఘిక సంక్షేమ పథకాలకు ఆధార్ సంఖ్యను వినియోగించటాన్ని విస్తరించాలని కేంద్ర ప్రభుత్వం భావిస్తోంది.

ఇందుకోసం మొత్తం జనాభా ఆధార్ సంఖ్య నమోదు ప్రక్రియను వచ్చే మార్చి కల్లా పూర్తి చేయాలని విశిష్ట గుర్తింపు ప్రాధికార సంస్థ (యూఐడీఐ)ను, జాతీయ జనాభా రిజిస్టర్ (ఎన్‌పీఆర్)ను ఆదేశించింది. గత నెలలో జరిగిన ఆధార్ ప్రాజెక్ట్ సమీక్ష సందర్భంగా ప్రధానమంత్రి కార్యాలయం ఈ మేరకు ఆదేశించిందని అధికార వర్గాలు తెలిపాయి. యూఐడీఏఐ ఇప్పటికే దేశవ్యాప్తంగా 70కోట్ల ఆధార్ సంఖ్యలను జారీచేసింది. ఆంధ్రప్రదేశ్, కేరళ, దిల్లీ, హిమాచల్‌ప్రదేశ్‌తో పాటు మొత్తం తొమ్మిది రాష్ట్రాల్లో 90 శాతానికి పైగా ఆధార్ నమోదు ప్రక్రియ పూర్తయ్యిందని యూఐడీఏఐ ఈ సందర్భంగా తెలిపింది.

జి. మనోహర్