భర్తను కట్టేసి భార్యపై దొంగల గ్యాంగ్ రేప్

Posted: 11/04/2014 09:04 PM IST

Wife gangraped by thieves in front of husband in bangalore

దేశానికి ఐటీ హబ్ గా ఉన్న బెంగళూరులో దారుణం జరిగింది. నగరంలోని ఆగ్నేయ ప్రాంతంలో నివాసం ఉండే ఓ వ్యక్తి ఇంట్లోకి అర్ధరాత్రి ప్రవేశించిన దొంగలు భర్తను కత్తితో బెదిరించి నగలు, డబ్బు దోచుకున్నారు. ఆ తర్వాత భర్తతో పాటు, అతడి తల్లిని మంచానికి కట్టేసి... భార్యపై సామూహిక అత్యాచారానికి పాల్పడ్డారు. ఈ దుర్ఘటన సెప్టెంబర్ 24న జరిగితే ఆలస్యంగా వెలుగులోకి వచ్చింది. ఈ వార్త బెంగళూరులో కలకలం రేపింది.

అయితే ఘటన జరిగిన వెంటనే బాధితులు ఫిర్యాదు చేయకపోవటంతో విషయం బయటకు రాలేదు. చివరకు నాలుగు రోజుల తర్వాత పోలిసులకు చెప్పటంతో రంగంలోకి దిగిన వారు.., కేసు నమోదు చేసి గత నెల 31న నిందితులను అరెస్టు చేశారు.దొంగతనం, అత్యాచారానికి పాల్పడిన నిందితులు అంతా స్థానికంగా నివసించేవారే అని పోలిసులు తెలిపారు. వీరిపై గతంలో పలు చోరీ కేసులు ఉన్నాయన్నారు. దాడులు, ఇతర ఘటనలు జరిగిన సమయంలో పోలిసులకు వెంటనే ఫిర్యాదు చేస్తే వేగంగా చర్యలు తీసుకునేందుకు ఆస్కారం ఉంటుందని బెంగళూరు పోలిసులు తెలిపారు.

కార్తిక్