కేసీఆర్ పెద్దవాడు కాదు.. పిల్లాడు కాదు

Posted: 11/04/2014 08:11 PM IST

తెలంగాణ ముఖ్యమంత్రి కేసీఆర్ పై తెలంగాణ టీడీపీ నేత రేవంత్ రెడ్డి మరోసారి తీవ్రంగా విమర్శించారు. కేసీఆర్ పెద్దవాడు కాదు అలాగని చిన్న పిల్లాడు కాదన్నారు. ఆయన వ్యవహారం సన్నాసిని పోలి ఉందని ఎద్దేవా చేశారు. సమస్యలను ఎలా పరిష్కరించాలో తెలియక ఇతరులపై విమర్శలు చేస్తు కాలం వెల్లదీస్తున్నారని ద్వజమెత్తారు. చేతకానితనంను ప్రజలకు చెప్పకుండా.. మామఅల్లుళ్ళు మందిని ఆడిపోసుకుంటున్నారని పరోక్షంగా హరీష్ ను ఉద్దేశించి చురకలు అంటించారు. పాలన ఎలా చేయాలో చంద్రబాబును చూసి నేర్చుకోవాలన్నారు.

తెలంగాణలో మిగులు బడ్జెట్ ఉండి కూడా రైతులకు ఏమి చేయలేక అసమర్ధులుగా వ్యవహరిస్తున్నారని విమర్శించారు. చంద్రబాబు కేంద్రం నుంచి అదనపు విద్యుత్ తెచ్చుకుంటే కేసీఆర్ మాత్రం అంతా అయిపోయాక హస్తిన పర్యటనలు చేస్తారని ఎద్దేవాచేశారు. ఎవరు అవునన్నా కాదన్నా తెలంగాణకు ప్రస్తుతం అదనపు విద్యుత్ వస్తోంది చంద్రబాబు వల్లే అని రేవంత్ రెడ్డి చెప్పారు. రైతుల కోసం ఏపీ ముఖ్యమంత్రి తీవ్రంగా కష్టపడుతున్నారని కితాబిచ్చారు.

ప్రజలను మభ్యపెట్టేందుకు చంద్రబాబుపై విమర్శలు చేస్తే చూస్తూ ఊరుకోమన్నారు. విద్యుత్ కష్టాలకు ప్రభుత్వ నిర్లక్ష్యం, చేతకానితనమే కారణమన్నారు. తెలంగాణఖు 54శాతం విద్యుత్ ఎలా వచ్చిందో తెలంగాణ ప్రజలకు ప్రభుత్వం చెప్పాలని సవాల్ చేశారు. త్వరలోనే కేసీఆర్ కు ప్రజలు బుద్ది చెప్పే రోజు వస్తుందని రేవంత్ అన్నారు.

 

 

కార్తిక్