రాష్ర్టాలు కొట్టకుంటే కేంద్రం గడ్డి పీకుతోందా...?

Posted: 11/03/2014 05:18 PM IST

Tammineni veerabadram fires on central government

కేంద్ర ప్రభుత్వంపై తెలంగాణ సీపీఎం కార్యదర్శి తమ్మినేని వీరభద్రం తీవ్రస్థాయిలో ఫైర్ అయ్యారు. తెలుగు రాష్ర్టాలు నిత్యం తన్నుకుంటుంటే కేంద్రం గడ్డి పీకుతోందా..? అని ప్రశ్నించారు. సోమవారం జరిగిన పార్టీ రాష్ర్ట కమిటీ సమావేశం తర్వాత వీరభద్రం మాట్లాడారు. కేంద్రం రెండు రాష్ర్టాలతో పొలిటికల్ గేమ్ ఆడుతోందని విమర్శించారు. అటు తెలంగాణలో రైతుల ఆత్మహత్యలు నివారించటంలో ప్రభుత్వం విఫలం అయిందని ద్వజమెత్తారు. అన్నదాతల అంశంపై వెంటనే ప్రకటన చేయాలని డిమాండ్ చేశారు.

ఇక భూ సమస్యపై తెలంగాణ ప్రభుత్వం అవగాహన లేకుండా మాట్లాడుతోందన్నారు. గిరిజన, దళిత సంక్షేమంపై కూడా ప్రభుత్వానికి చిత్తశుద్ధి లేదన్నారు. మరోవైపు తెలంగాణలో సమస్యలకు కారణం అయిన కాంగ్రెస్, టీడీపీలు తిరిగి ధర్నాలు చేయటం సిగ్గుచేటని విమర్శించారు. పార్టీలు రాజకీయాలు మాని ప్రజా ప్రయోజనంపై దృష్టి పెట్టాలన్నారు. ఇక ప్రజా సమస్యలపై ప్రభుత్వ వైఖరికి నిరసనగా ఈనెల 5న తెలంగాణలో కలెక్టరేట్ల ముట్టడి కార్యక్రమంకు పిలుపునిస్తున్నట్లు వీరభద్రం తెలిపారు.

కార్తిక్