స్పాట్ ఫిక్సింగ్ పై సుప్రీంకు తుది నివేదిక

Posted: 11/03/2014 11:53 AM IST

Mudgal committee submits report to supreme court on ipl fixing

దేశీయ క్రికెట్ లో సంచలనం రేపిన ఐపీఎల్ స్పాట్ ఫిక్సింగ్ పై విచారణ నివేదికను ముద్గల్ కమిటీ సుప్రీం కోర్టుకు సమర్పించింది. ఈ ఫిక్సింగ్ పై సుప్రీంకోర్టు ఏర్పాటు చేసిన జస్టిస్ ముకుల్ ముద్గల్ కమిటీ పలువురు క్రికెటర్లు, ప్రాంచైజీ యజమానులు, కోచ్ ఇతర వ్యక్తులను విచారించిన తర్వాత నివేదికను రూపొందించి సోమవారం ఉదయం కోర్టుకు సమర్పించింది. ఈ నివేదికను స్వీకరించిన ఉన్నత న్యాయస్థానం తదుపరి విచారణను ఈనెల 10కి వాయిదా వేసింది.

ఐపీఎల్ సీజన్ 6 లో స్పాట్ ఫిక్సింగ్ జరిగిన విషయం తెలిసిందే. సంచలనం రేపిన ఈ ఉదంతంలో క్రికెటర్లు శ్రీశాంత్, అజిత్ చండియాలా, అంకిత్ చవాన్ అరస్టయి ఆ తర్వాత బెయిల్ పై విడుదల అయ్యారు. అయితే వీరిపై బోర్డు నిషేధం విధించింది. వీరితో పాటు శ్రీనివాసన్ అల్లుడు గుర్నాధ్ మీయప్పన్, బాలీవుడ్ యాక్టర్ విందు ధారా సింగ్, ఇతర ప్రముఖులపై కూడా ఫిక్సింగ్ ఆరోపణలు వచ్చాయి. ఫిక్సింగ్ పై విచారణ చేపట్టేందుకు సుప్రీంకోర్టు ముద్గల్ కమిటీని ఏర్పాటు చేయగా.. బీసీసీఐ స్వతంత్ర్యంగా దర్యాప్తు చేసుకుంది. ఆరోపణలు ఎదుర్కుంటున్న గుర్నాధ్ శ్రీనివాసన్ అల్లుడు కావటంతో ఆయన్ను బీసీసీఐ చైర్మన్ పదవి నుంచి తప్పుకోవాలని గతంలో సుప్రీంకోర్టు ఆదేశించింది.

కార్తిక్