నల్ల కుభేరుల పేర్ల ప్రకటనతో కొత్త చిక్కులు

Posted: 11/03/2014 11:13 AM IST

నల్ల కుభేరుల పేర్లు బయటకు ప్రకటించాలన్న డిమాండ్ ను కేంద్ర ఆర్ధిక మంత్రి అరుణ్ జైట్లి తోసిపుచ్చారు. ఇలా చేస్తే సమస్య పరిష్కారం కాకపోగా ధర్యాప్తుకు కొత్త చిక్కులు వస్తాయన్నారు. జాబితాలో ఉన్న పేర్లను బయటకు ప్రకటిస్తే నల్ల కుభేరులు అప్రమత్తం అయ్యే ప్రమాదం ఉందనీ.., డబ్బును ఇతర మార్గాల ద్వారా ప్రభుత్వానికి చెందకుండా మాయం చేసే అవకాశం ఉందన్నారు. ఇది భవిష్యత్తులో నల్లధనంపై ధర్యాప్తుతో పాటు ఆర్ధిక అంశాలపై కూడా ప్రభావం చూపుతుందన్నారు.

నల్లధంన జాబితాలో పేర్లు ప్రకటించాలన్న కాంగ్రెస్ పార్టీ డిమాండ్ పై విమర్శలు చేశారు. కాంగ్రెస్ ఎందుకిలా చేస్తుందో తాము అర్ధం చేసుకోలమన్నారు. సిట్ వద్ద ఉన్న పేర్లలోని వ్యక్తులు ఆధారాలు లేకుండా జాగ్రత్తపడేందుకే ఈ పార్టీ తాపత్రయపడుతోందన్నారు. సరైన ఆధారాలతో కోర్టులో చార్జ్ షీట్ సమర్పించే సమయంలో పేర్లు వెల్లడించటం అంగీకరించదగినది అన్నారు. కాని ఏ ఆధారాలు లేకుండా జాబితాలో పేర్లు ప్రకటిస్తే కొత్త వివాదాలు వస్తాయని తన ఫేస్ బుక్ పేజిలో పోస్ట్ చేశారు. ఈ ప్రకటనతో ఎన్డీయే ప్రభుత్వం నల్లధన కుభేరుల పేర్లను ప్రకటించదని మరోసారి స్పష్టం అయింది.

కార్తిక్