ప్రేమించిందనీ.. కూతుర్నే కాటేసిన కర్కశ తండ్రి!

Posted: 11/01/2014 08:06 PM IST

Autodriver apparao raped his daughter for one year in krishna district vijayawada wambe colony for loving a guy

ఇన్నాళ్లవరకు మహిళలకు బయటే అనుకున్నాం.. ఇప్పుడు సొంత ఇంట్లోనే రక్షణలేకుండా పోతోందని తాజా సంఘటన మరోసారి నిరూపించేసింది. చేయిపట్టి నడిపి ప్రపంచాన్ని చూపించిన తండ్రే ఆమె పాలిట విలన్ అయ్యాడు. తన కూతురు ఒక అబ్బాయిని ప్రేమించిందని ఆవేశంతో రగిపోయిన ఆ తండ్రి మందలించాల్సిందిపోయి.. ఆమె మీద అత్యాచారానికి తెగబడ్డాడు. కన్నకూతురు అని చూడకుండా.. ప్రతిరోజూ ఆమెకు మత్తుమందు ఇస్తూ అత్యాచారం చేస్తూ వచ్చాడు ఆ కసాయి తండ్రి!

వివరాల్లోకి వెళ్తే.. కృష్ణా జిల్లా విజయవాడలోని వాంబే కాలనీలో అప్పారావు (42) అనే ఆటోడ్రైవర్ తన భార్య, ఇద్దరు పిల్లలతో కలిసి వుంటున్నాడు. ఈ ఇద్దరి పిల్లల్లో ఒక కుమార్తె (17) పదో తరగతి వరకు చదివి తన విద్యాభ్యాసాన్ని ఆపేసి, ఇంట్లోనే పనిచూసుకుంటూ వుండిపోయింది. ఆ నేపథ్యంలో ఆమెకు స్థానికంగా వుండే ఓ యువకుడితో పరిచయం ఏర్పడింది. ఆ పరిచయం కాస్త ప్రేమగా మారింది. ఈ విషయం తెలుసుకున్న తండ్రి అప్పారావు యుక్తవయస్సులో వున్న వారిద్దరినీ మందలించాల్సిందిపోయి... కన్నకూతురి మీదే పగపట్టాడు. తన కూతురిని అత్యాచారం చేయాలని నిర్ణయించుకున్నాడు అప్పారావు! అందుకు ఓ పథకం కూడా వేశాడు.

ఒకనాడు అప్పారావు బలం కోసమని చెప్పి తన భార్యకు, కుమార్తెకు మత్తుమందులు ఇవ్వడం ప్రారంభించాడు. ఇలా ప్రతిరోజూ వారికి అబద్ధం చెప్పి మత్తుమందులు ఇచ్చేవాడు. వారిద్దరూ మత్తులోకి జారుకోగానే అప్పారావు కుమార్తెపై అత్యాచారానికి పాల్పడేవాడు. ఇలాగే ఈ వ్యవహారం కొన్నాళ్లవరకు సాగింది. అయితే ఈమధ్యనే భార్యకు అనుమానం వచ్చి తన భర్త అప్పారావును నిలదీసింది. ఆ సందర్భంగా అతని నిజస్వరూపం బయటపడింది. అతను ప్రతిరోజూ మత్తుమందులు ఇచ్చి తన కూతుర్నే అత్యాచారం చేస్తున్నట్లు వెలుగులోకి వచ్చింది.

ఈ విషయం తెలియగానే తల్లీకూతుళ్లు ఇద్దరూ దగ్గరలోనే వున్న గ్రామీణ పోలీసులను ఆశ్రయించారు. సమాచారం అందుకున్న పోలీసులు కేసు నమోదు చేసి, విచారణ చేపట్టారు. విచారణలో భాగంగా అప్పారావు తన కూతుర్ని ఏడాదిగా అత్యాచారం చేస్తూ వచ్చాడనే దారుణమైన నిజం బయటపడింది. దీంతో పోలీసులతోబాటు స్థానికంగా వున్న ప్రజలందరూ దిగ్భ్రాంతి వ్యక్తం చేశారు.