మాజిమంత్రి శైలజానాధ్ పై చీటింగ్ ఆరోపణలు..?

Posted: 10/28/2014 10:34 AM IST

ఉమ్మడి ఆంధ్రప్రదేశ్ ప్రాధమిక విద్యా శాఖ మంత్రి శైలజానాధ్ పై చీటింగ్ ఆరోపణలు వస్తున్నట్లు తెలుస్తోంది. ఈ మేరకు హైదరాబాద్ పోలిస్ కమిషనర్ కార్యాలయంకు చాలా ఫిర్యాదులు వస్తన్నట్లు సమాచారం. బాధితుల కధనం ప్రకారం.. శైలజానాధ్ ‘హ్యాపి ఇండియా’ అనే సంస్థను స్థాపించాడు. ఇదో ఈ -కామర్స్ సంస్థగా ప్రచారం చేసి ఉద్యోగాలు ఇప్పిస్తామని నిరుద్యోగులను నమ్మించారు. మంచి వేతనాలు, డోకాలేని ఉద్యోగం ఉంటుందని చెప్పి అందర్నీ నమ్మించటం జరిగింది.

సంస్థలో ఉద్యోగం కోసం నిరుద్యోగుల నుంచి రూ. లక్షల్లో డబ్బులు తీసుకున్న నిర్వాహకులు తమకు ఉద్యోగాలు ఇవ్వలేదని ఫిర్యాదు చేశారు. అంతేకాకుండా తమ డబ్బును తిరిగి ఇచ్చేందుకు కూడా మాజిమంత్రి అంగీకరించట లేదని బాధితులు కంప్లయింట్ లో తెలిపారు. వెంటనే శైలజానాధ్ పై కేసు నమోదు చేయాలని వారు కోరుతున్నారు. ఇలా శైలజానాధ్ పై చాలా కంప్లయింట్లు వస్తుండటంతో వాటిని పోలిసులు పరిశీలిస్తున్నట్లు తెలుస్తోంది. ఆరోపణలు నిజమని తేలితే మాజిమంత్రిపై కేసు పెడతారని ప్రచారం జరుగుతోంది.

కార్తిక్