చిత్తూరులో కలకలం.. ఇద్దరు చిన్నారుల కిడ్నాప్

Posted: 10/25/2014 11:19 AM IST

Two little girl kids of 7 years old kidnapped in chittoor

చిత్తూరు జిల్లా పెద్దపంజాణి మండలం రాయలపేటలో కలకలం రేగింది. ఇద్దరు అమాయక చిన్నారులు కిడ్నాప్కు గురయ్యారన్న వార్త ఇందుకు కారణమైంది. ఆరుబయల ఆటలాడుకుంటున్న ఏడేళ్ల వయస్సున్న ఇద్దరు చిన్నారులను గుర్తు తెలియని అగంతకులు కిడ్నాప్ చేశారు. తమ పిల్లల కోసం గ్రామమంతా వెతికిన పిల్లల తల్లిదండ్రులు చివరకు పోలీస్ స్టేషన్లో ఫిర్యాదు చేశారు. పిల్లల అదృశ్యంపై వారి దూరపు బంధువుపై అనుమానాలు వ్యక్తం చేస్తున్నారు.

వివరాల్లోకి వెళితే చల్లావారిపల్లెకు చెందిన గణేష్, రెడ్డెప్పలు అన్నదమ్ములు. గణేష్ కుమార్తె లావణ్య (7), రెడ్డెప్ప కుమార్తె సంగీత (7)లు రాయలపేటలోని వారి నానమ్మ సంరక్షణలో ఉంటున్నారు. దీపావళి పండగ సందర్భంగా వారు స్వగ్రామానికి వచ్చారు. ఆ రోజు సాయంత్రం ఇంటి ముందు ఆడుకుంటున్న పిల్లలు కనబడకపోవటంతో కుటుంబ సభ్యులు ఊరంతా వెతికారు. అయితే పిల్లలిద్దరితో ఓ మహిళతో మాట్లాడిందని, అమె వారిని తీసుకువెళ్లిందని, పిల్లలు అమె వెంట వెళ్లడం తాము చూశామని స్థానికులు తెలిపారు. దీంతో తమ పిల్లలను కిడ్నాప్ చేసింది మదద్లకుంఠకు చెందిన జానకమ్మమేనని భాదితులు అనుమానాన్ని వ్యక్తం చేశారు. ఫిర్యాదు అందుకున్న పోలీసులు కేసు నమోదు చేసుకుని దర్యాప్తు చేస్తున్నారు.

జి.మనోహర్