ఫీజు రియంబర్స్ మెంట్ కు కేసీఆర్ సర్కార్ గ్రీన్ సిగ్నల్

Posted: 10/17/2014 08:34 AM IST

బోధనా ఫీజు బకాయిలను చెల్లింపులకు కేసీఆఱ ప్రభుత్వం గ్రీన్ సిగ్నల్ ఇచ్చింది. ఫీజు రీయింబర్స్‌మెంట్ బకాయిలను వెంటనే చెల్లించాలని సీఎం కేసీఆఱ్ సూత్రప్రాయంగా నిర్ణయించారని తెలంగాణ విద్యాశాఖమంత్రి జగదీష్‌రెడ్డి తెలిపారు. ఈ విషయంపై ఇవాళ ఆర్థికశాఖ మంత్రి, కార్యదర్శులతో చర్చించి స్వల్పకాల తేడాతో రెండు లేదా మూడు విడుతలుగా బకాయిలను చెల్లిస్తామన్నారు. ప్రతిపక్షాలు బాధ్యతారాహిత్యంగా వ్యవహరిస్తూ ప్రభుత్వాన్ని విమర్శించమే పనిగా పెట్టుకున్నాయని మండిపడ్డారు. ప్రతిపక్షాలు ఎంత రాద్ధాంతం చేసినా ప్రజలకు ఏం చేయాలో కేసీఆర్‌కు తెలుసునని.. సీఎం ఆధ్వర్యంలోనే తెలంగాణ అభివృద్ధి సాధ్యమని ఆయన పేర్కొన్నారు. అందుకనే ఇతర పార్టీల నేతలు కూడా తమ పార్టీలో చేరేందుకు ఉత్సాహం చూపుతున్నారన్నారు.

ప్రభుత్వ నిర్ణయాన్ని స్వాగతిస్తున్నాం:

బకాయి ఫీజులు చెల్లించాలన్న ప్రభుత్వ నిర్ణయాన్ని స్వాగతిస్తున్నామని ఇంజనీరింగ్ కాలేజీల యాజమాన్యాల సంఘం నేతలు పేర్కొన్నారు. ఈ సందర్భంగా ఆ సంఘం నేతలు డా.గౌతమ్‌రావు, ఎస్.వి.ఆర్. డా. సునీల్‌లు సీఎంకు, విద్యాశాఖమంత్రికి కృతజ్ఞతలు తెలిపారు.

జి.మనోహర్