మార్చి నుండి ఎవరి ఫోన్ నెంబర్ వారిదే.. !

Posted: 10/16/2014 01:11 PM IST

ఇక రాష్ట్రం మారినా మొబైల్ నంబర్ మార్చుకోవాల్సిన అవసరం లేదు. మార్చి 31, 2015 కల్లా మొబైల్ నంబర్ పోర్టబిలిటీ(ఎంఎన్‌పీ) సదుపాయాన్ని దేశవ్యాప్తంగా అందుబాటులోకి తీసుకరావడానికి టెలికం శాఖ తీవ్ర స్థాయిలో కసరత్తు చేస్తున్నది. ప్రస్తుతం ఉన్న విధానంతో ఒకే సర్కిల్లో మాత్రమే తమ నెట్‌వర్క్‌నుంచి ఇతర సంస్థను ఎంచుకోవడానికి వీలుంటుంది.

ఇతర రాష్ర్టాలకు వెళ్లితే అదే నంబర్ ఉంచుకునే అవకాశం లేకపోవడంతో ఇబ్బందులు ఎదుర్కొంటున్న కస్టమర్ల కోసం దేశవ్యాప్త ఎంఎన్‌పీ సర్వీసులకు శ్రీకారం చుట్టినట్లు టెలికం శాఖ వర్గాలు తెలిపాయి. కొత్త విధానం అమలులోకి వస్తే దేశంలో ఎక్కడికి వెళ్లినా నెట్‌వర్క్‌ని మార్చుకుంటూ ఉన్న పాత నంబర్‌నే ఉపయోగించుకోవచ్చు. ఈ మేరకు టెలికం నియంత్రణ మండలి ట్రాయ్ జారీ చేసిన మార్గదర్శకాలను టెలికం కమిషన్ ఆమోదించింది. ఈ సిపార్స్‌లను టెలికం శాఖ మంత్రి రవి శంకర్ ప్రసాద్ ఆమోద ముద్ర వేయాల్సి ఉంటుంది. ఆగస్టు 31 నాటికి 13 కోట్ల మంది ఎంఎన్‌పీ కింద ఇతర నెట్‌వర్కింగ్‌లను ఎంచుకున్నారు.

జి.మనోహర్