హుద్ హుద్: హీరో ప్రభాస్ 20.. తానా 60 లక్షల విరాళం..

Posted: 10/15/2014 08:27 AM IST

ఆంధ్రప్రదేశ్ ముఖ్యమంత్రి సహాయనిధికి తానా రూ. 60 లక్షల విరాళం ప్రకటించింది. తుపాను ప్రభావానికి తీవ్రంగా నష్టపోయిన ఆంధ్రప్రదేశ్‌లో సహాయ చర్యల నిమిత్తం రూ. 60 లక్షలు సీఎం సహాయనిధికి అందజేస్తున్నట్లు తానా అధ్యక్షుడు నన్నపనేని మోహన్ ప్రకటించారు. పునరావాస కార్యక్రమాలకు, సహాయ చర్యలకు, మౌలిక వసతుల ఏర్పాట్లకు తానా తన వంతుగా తక్షణ సహాయం అందిస్తున్నట్లు తెలిపారు. తానా అధ్యక్ష, కార్యదర్శులు మోహన్, సతీశ్ వేమనలు... ముఖ్యమంత్రి చంద్రబాబుని కలిసి చెక్కును అందించనున్నట్లు తెలిపారు. ఉత్తర అమెరికాలో ఉంటున్న ఎన్ఆర్ఐలు తుపాను బాధితుల సహాయార్థం తమ వంతు సహకారాన్ని అందించాలని తానా ఈ సందర్భంగా కోరింది.

అటు టాలీవుడ్ యువ కథానాయకులు కూడా తుపాన్ బాధితులకు తమ వంతు సాయం అందించారు. అగ్రనటుడు ప్రభాస్ ఆంధ్రప్రదేశ్ ముఖ్యమంత్రి సహాయనిధికి రూ. 20 లక్షల విరాళం ప్రకటించారు. తుపాను సహాయ చర్యల నిమిత్తం తెలుగు చలనచిత్ర పరిశ్రమలోని పలువురు యువ కథనాయకులు రాంచరణ్, పవన్ కల్యాణ్, జూనియర్ ఎన్టీయార్, అల్లుఅర్జున్, మహేష బాబు, సంపూర్ణశ్ బాబులు ఇప్పటికే తమవంతు ఆర్థిక సాయంగా విరాళాలను ప్రకటించారు

జి.మనోహర్