ఛత్తీస్ గఢ్ వైపు పయనమైన హుదూద్

Posted: 10/14/2014 07:31 AM IST

ఉత్తరాంధ్ర జిల్లాలలో విలయనృత్యం చేసిన హుద్‌హుద్ తుపాను విశాఖపట్నం మీదుగా తీరం దాటాక క్రమంగా పశ్చిమ వాయవ్య దిశగా ఛత్తీస్‌గఢ్ వైపు కదులుతోంది. తీరం దాటిన కొద్దిసేపటికి అది బలహీనపడి తీవ్ర వాయుగుండంగా మారింది. నిన్న సాయంత్రం మరింత శాంతించి అల్పపీడనం.. మారిన హుదూద్.. రాయపూర్ వద్ద కేంద్రీకృతమైంది. అక్కడి నుంచి ఉత్తర వాయవ్య దిశగా కదిలి మళ్లీ వాయుగుండంగా మారుతుందని వాతావరణశాఖ వర్గాలు తెలిపాయి. ఆ తరువాత బలహీనపడుతుందని వాతావరణ అధికారులు తెలిపారు.

కాగా తెలంగాణ, ఆంధ్రప్రదేశ్ రాష్ట్రాలపై వాయుగుండం ప్రభావం పెద్దగా ఉండబోదని వాతావరణ కేంద్రం అధికారులు తెలిపారు. రెండు రాష్ట్రాల్లో అక్కడక్కడ ఉరుములతో కూడిన జల్లులు లేదా ఒక మాదిరి వర్షాలు పడే అవకాశాలున్నాయని తెలిపారు. దీని ప్రభావంతో ఛత్తీస్ గడ్ లో విస్తారంగా వర్షాలు పడే అవకాశముందని అధికారులు తెలిపారు.

జి.మనోహర్